"ეს ყველაფერი არის ფარსი... თუ დამეკისრა ჯარიმა, გავუგზავნი ბიძინას ფოსტით, ბევრი ფული აქვს და გადაიხადოს"

"ეს ყველაფერი არის ფარსი... თუ დამეკისრა ჯარიმა, გავუგზავნი ბიძინას ფოსტით, ბევრი ფული აქვს და გადაიხადოს" - გურამ ჩალაგაშვილი თავისუფალია

პოლიტიკა - 15:22, 01 Oct, 2019

898

საქალაქო სასამართლოში "გამარჯვებული საქართველოს" ლიდერის გურამ ჩალაგაშვილის სასამართლო პროცესი გაიმართა, რომელიც სამართალდამცავებმა წუხელ დაიჭირეს.

როგორც სხდომაზე შინაგან საქმეთა სამინისტროს წამომადგენლებმა განაცხადეს, ოპოზიციის წევრის დაკავების მიზეზი ხელისუფლების წარმომადგენლების არაკორექტულად ხსენება გახდა. მათივე მტკიცებით, ჩალაგაშვილი ბიძინა ივანიშვილისა და გიორგი გახარიას სიტყვიერ შეურაცხყოფას აყენებდა. სამართალდამცავებმა მტკიცებულებების სახით სამხრე კამერები წარმოადგინეს, რომელიც მოსამართლემ საკმარისად არ ჩათვალა და ამ მიზეზით მან პროცესი გადადო.

"გამარჯვებული საქართველოს" ლიდერი უკვე თავისუფალია. ჩალაგაშვილის თქმით, ეს ყველაფერი არის ფარსი და მისი შეშინების მცდელობა.

"ეს ყველაფერი არის ფარსი, უნდოდათ, რომ ჩალაგაშვილი რაღაცით შეეშინებინათ. მინდა მოსახლეობას ვუთხრა ერთი რამ თუ საკუთარ მანქანაში, უკანა სავარძელში იჯდებით, ფანჯარა გექნებათ ჩაწეული და მოინდომებთ სიმართლის თქმას, რასაც ჰქვია ბიძინა ივანიშვილი არის სისხლისმსმელი და მას მოიხსენიებთ აუგად, ამ შემთხვევაში მესამე სართულზე 30 მეტრში მდგარ კორპუსში ვიღაც გაიღვიძებს გაიგებს ამ ხმას გამოვა შეწუხდება და შენ ხარ დამნაშავე. ეს არის სამართალი და ამათი მტკიცებულება. სამი თვის განმავლობაში მე ვამბობ ყველგან, რომ მუდმივად სუს-ის მანქანა დაგვყვება უკან. სამი დღეა გავყიდე მანქანა, არ მყავს და ამაზე გაცოფდნენ ამაზე ვერ მიპოვნენ და საბოლოოდ მიპოვეს მივდიოდი და მოპირდაპირე მხრიდან მომავალმა პატრულმა ეტყობა მიიღო უცებ რაღაც შეტყობინება, უცებ მოგვატრიალა, გაგვაჩერა და ჰოი საოცრებავ... თუ დამეკისრა ჯარიმა, აუცილებლად ჩავდებ კონვერტში და გავუგზავნი ბიძინას ფოსტით, ბევრი აქვს ფული და გადაიხადოს" - აღნიშნა ჩალაგაშვილმა.