სერგეი ლავროვისა და დავით ზალკალიანის შეხვედრა - ოპოზიცია ქვეყნის პირველ დიპლომატს საგარეო ურთიერთობათა კომიტეტის სხდომაზე იბარებს

პოლიტიკა - 12:59, 29 Sep, 2019

930

ოპოზიცია საგარეო ურთიერთობათა კომიტეტის სხდომაზე დავით ზალკალიანს იბარებს .

კანონის თანახმად დავით საგარეო საქმეთა მინისტრს არ აქვს უფლება უარი თქვას პარამენტში გამოცხადებაზე, ამიტომ მინისტრს სერგეი ლავროვთან შეხვედრაზე ყველა დეტალის მოყოლა მოუწევს. რატომ დაუმალეს საზოგადოებას სიმართლე, ეს არის მთავარი კითხვა, რომელზეს საგარეო საქმეთა მინისტრს პასუხის გაცემა მოუწევს.
ოპოზიციის წარმომადგენლები მიიჩნევენ, რომ ლავროვის და ზალკალიანის შეხვედრა წინასაარჩევნო პერიოდში საშიშია ეს შეხვედრა საქართველოს პირველი დიპლომატისგან განმარტებებს მოითხოვს .

"ნაციონალური მოძრაობაში" ამბობენ, რომ ზალკალიანმა იმ კითხვებს უნდა გასცეს პასუხი, რომელიც არსებობს საზოგადოებაში და პირველ რიგში მინისტრმა უნდა განმარტოს თუ ვისი ინიციატივით, რატომ დაიგეგმა ეს შეხვედრა და რატომ შეხვდა ის რუსეთის თავდაცვის მინისტრს, მაშინ როცა ქვეყნებს შორის დიპლომატიური ურთიერთობა გაწყვეტილია.
"საგარეო საქმეთა მინისტრმა იპაკიპუკა , ვილაპარაკეთ ტერიტორიული მთიანობის აღდგენაზე და ათას რაღაცაზეო და სინამდვილეში არაფერზე არ ულაპარაკია, ამიტომ უნდა მოვიდეს პარლამენტში და გვითხრას ვინ იყო ინიციატორი, რატომ დამთავრდა ეს შეხვედრა ასე, წამგებიანად ქვეყნის ინტერესებისათვის. საერთოდ რას ემსახურებოდა ეს შეხვედრა და ხომ არ იყო ეს ივანიშვილის დავალება, რომ რუსეთისთვის კიდევ ერთხელ დაედასტურებინა თავისი მორჩილება" - განაცხადა რომან გოცირიძემ.
"ევროპული საქართველოს" ერთ-ერთი ლიდერი გიგი უგულავა ამბობს, რომ ლავროვისა და ზალკალიანის შეხვედრა ეს შეხვედრა არის წმინდა პარტიული ინტერესების გამტარებელი და არაფერი აქვს საერთო ეროვნულ ინტერესებთან.

"მრჩება შთაბეწდილება რომ ეს შეხვედრა არანაირად არ ატარებს ეროვნულ ინტერესს, არამედ აქვს მხოლოდ წმინდა პარტიული ინტერესი , რჩება შთაბეჭდილება, რომ რუსეთი ამ ვითომ შეხვედრებით და ვითომ ყინულის გალღვობით ზურგს უმაგრებს "ქართულ ოცნებას", ის კითხვები, რომლებიც ზალკალიანის მიმართ ჩნდება აბსოლუტურად ლეგიტიმურია. მე პირადადმაქვს ასეთი შეკითხვა, იყენებდა თუ არა ლავროვი ზეწოლის ს ბერკეტად ცხინვალის რეგიონის ანექსიას, ემუქრებოდა თუ არა ქართულ მხარეს ანექსიით" -აცხადებს გიგი უგულავა.

შეგახსენებთ, საქართველოს საგარეო საქმეთა მინისტრი, დავით ზალკალიანი, რუსეთის საგარეო საქმეთა მინისტრს სერგეი ლავროვს 26 სექტემბერს შეხვდა, თავდაპირველად ამ შეხვედრის შესახებ ინფორმაციას მალავდა, მას შემდეგ რაც ეს დაადასტურა რუსეთმა ქართული მხარე იძულებული გახდა, რომ ინფორმაცია საგარეო სამეთა მინისტრების შეხვედრის შესახებ დაედასტურებინა.