პრეზიდენტის მიერ მკვლელობაში მსჯავრდებულების შეწყალებისსაქმეზე პროკურატურაში პრეზიდენტის საპარლამენტო მდივნის, დიმიტრი გაბუნიას საადვოკატო ბიუროს პარტნიორები მივიდნენ.

ერთ-ერთი მათგანი, გიორგი მიროტაძე აცხადებს, რომ ე.წ. შეწყალების საქმესთან დაკავშირებით ინფორმაციას არ ფლობს.

„სიასთან არანაირი კავშირი არ მაქვს. ვარ დიმიტრი გაბუნიას ბიზნესპარტნიორი. რადგან დამიბარეს, კანონმორჩილი მოქალაქე ვარ და მოვედი, რომ შეკითხვებზე ვუპასუხო. არანაირი კავშირი ამ საქმესთან არ მაქვს. სახელებიც კი არ ვიცი შეწყალებულების და დაზარალებულების. ვიცი მხოლოდ ის, რაც ტელევიზიით გავიგე. კომპანიის მეწილე გავხდი ერთი თვის წინ. კომპანიის ისტორია არ ვიცი. სპეციალობით იურისტი არ ვარ. მე ვარ ბანკირი“, – განაცხადა მიროტაძემ.

​​მარიამობის დღესასწაულთან დაკავშირებით, სალომე ზურაბიშვილმა მკვლელობისთვის მსჯავრდებული სამი პირი შეიწყალა – თარაშ მუკბანიანის, დავით ოთხმეზურისა და სოსო ქოიავას მკვლელობისთვის მსჯავრდებული პირები.