პუტინისა და ივანიშვილის პირადი გზავნილების გაცვლა - ანალიტიკოსებმა ლავროვისა და ზალკალიანის შეხვედრა შეაფასეს

პოლიტიკა - 15:13, 27 Sep, 2019

13889

ლავროვისა და ზალკალიანის შეხვედრა ანალიტიკოსებმა შეაფასეს. ისინი მიიჩნევენ, რომ ამ შეხვედრის მთავარ მიზანს პუტინისა და ივანიშვილის პირადი გზავნილების გაცვლა წარმოადგენდა. პოლიტოლოგები არ გამორიცხავენ, რომ ეს შეხვედრა 2020 წლის საპარლამენტო არჩევნებს უკავშირდებოდეს, რადგან "ოცნებამ" კიდევ უფრო გაიმყაროს პოზიციები.

პოლიტოლოგ ვანო მაჭავარიანის განცხადებით , ლავროვი შემთხვევით არავის ხვდება, ის პირდაპირ გზავნილებს აგზავნის. მისივე თქმით, ეს შეხვედრა ვერ მოხდებოდა გახარიას ფაქტორის გარეშე, რადგან სწორედ გიორგი გახარიას გაპრემიერების შემდეგ დაიწყო ღია ურთიერთობები და დიალოგი.
"აქ მთავარი მოქმედი პირი არის პუტინი. ლავროვი არასდროს ხვდება არავის მოსასმენად, მას აქვს ძალიან კონკრეტული სათქმელი, მნიშვნელოვია თუ რა პირობებს ითხოვს პუტინი საქართველოში სტაბილურობის დაცვისთვის, ურთიერთობების გაუმჯობებისთვის და რა თქმა უნდა 2020-ის საპარლამენტო არჩევნებისთვის, სიტუაციას ოკუპირებულ ტერიტორიებზე და ქართულ ოცნებასა და რუსულ მხარეს შორის შემდგომ კონტაქტებს. გახარიას ფაქტორი აქ ძალიან მნიშვნელიოვანია , როგორც ჩანს გახარიას გაპრემიერებამ ამას ძალიან დიდი სტიმული მისცა, რომ უფრო მეტად ყოფილიყო ნაჩვენები ეს ღიაობა.
ნოდარ ხარშილაძეს მიაჩნია, რომ ზალკალიანისა და ლავროვის შეხვედრა არაფრის მომტანია, რადგან პოზიციები ერთმანეთისგან ძალიან განსხვავდება.
"დღეს ეს შეხვედრა ვერაფერს მოიტანს იმიტომ რომ პოზიციები ძალიან განსხვავებულია . მეორე პრობლემა არის ის, რომ რუსეთთან ლაპარაკი არის სახიფათო. გახარიას დანიშვნა, რუსეთთან შეხვედრა ყველაფერი ერთიანობაში ბიძინას რუსული რელსებისკენ გადახრაა . ერთადერთი გზა, რომ ივანიშვილი ხელისუფლებაში დარჩეს არის რუსული ტიპის დიქტატურის ვერსია. ივანიშვილმა იცის რომ დასავლური სტანდარტებით ვერ დარჩება ხელისუფლებაში, ამიტომ თემაა რომ რუსეთთან დალაგდეს" - აცხადებს ხარშილაძე.