"ქურდების მეგრული კლანის" ლიდერი გელა ქარდავა (გელა გალსკი) მოხვდა იმ 2000 "სანიმუშო პატიმარს შორის, რომელთაც ბელორუსის ფაშისტური ოკუპაციისგან განთავისუფლებასთან დაკავშირებული ამინისტია შეეხო.
ქვეყნის ისტორიაში ეს პირველი შემთხვევაა, როდესაც ამგვარი პრივილეგიით, ასეთმა "მაღალი რანგის" კრიმინალმა ისარგებლა. მან საპატიმროში მხოლოდ 20 თვე დაჰყო და გავრცელებული ინფორმაციით, მინსკი-სტამბულის ბილეთი უკვე აიღო. გელა გალსკი სასჯელს საბუთების გაყალბებისთვის იხდიდა.
ამ გაუთვალისწინებელმა შემთხვევამ გელა შესაძლოა "დიდ ქურდულ სივრცეში" დააბრუნოს, საიდანაც ის შაქრო კალაშოვმა გამოაგდო მას შემდეგ, რაც "გალსკი" ბადრი კუტაისსკის (კოღუაშვილის) მხარეს დადგა.
"პრაიმკრაიმი" ვარაუდობს, რომ ამჟამინდელი კონფლიქტი ცნობილ კრიმინალურ ავტორიტეტ გულისა (ნადირ სალიფოვი) და ბადრის შორის შესანიშნავი შანსია გელასთვის, რომ გულისთან დაახლოების შემდეგ შეჩერებული სტატუსი და გავლენა აღიდგინოს. მას ამაში დუ იაქის (მერაბ მზარელუა) რეკომენდაციაც დაეხმარება, რომელმაც უკვე მიიღო პირობა გულისგან, რომ გელას არ მოკლავს. ყოველ შემთხვევაში, საერთო მტრის წინააღმდეგ გულისა და გელას გაერთიანება გულის გარემოცვაში მყოფი "მეგრელი ქურდების" ერთერთი მთავარი მიზანია.
ამასთან, გელა გალსკის გამო ბადრი კუტაისსკიმ ორჯერ დაკარგა "ქურდის" წოდება - 2002-2003 და 2011-15 წლებში. სწორედ გელასთან უნდა გაერკვია ბადრის თავისი "უფლებამოსილების" დაბრუნების საკითხი გათავისუფლების შემდეგ, თუმცა, გელას ჰყავს პირადი მტრებიც: ედიკ ტბილისსკის, ტაროსა და მერაბის გარდა არიან "სოხუმელებიც", ხოლო მერაბ მზარელუასთან ამჟამად გულის კარგი ურთიერთობა ჩამოუყალიბდა.
მასალის გამოყენების პირობები