"ევროპული საქართველოს" წევრმა დავით ბაქრაძემ სალომე ზურაბიშვილის გაეროში გამოსვლა გააკრიტიკა. მისი თქმით, პრეზიდენტმა საერთაშორისო ტრიბუნა ვერ გამოიყენა, რომ საქართველოს პრობლემები გაეროს წინაშე მიეტანა.

"მთლიანობაში ეს იყო ზოგადი და არაფრის მომცემი გამოსვლა. რათქმაუნდა გაეროს ტრიბუნაზე საქართველოს პრეზიდენტი უნდა შეეხოს გლობალურ თემებს. ისეთს როგორებიც არის მაგალითად: კლიმატის ცვლილება ან გლობალური მიგრაცია, მაგრამ არასწორია როდესაც საქართველოს პრეზიდენტი დაახლოებით ერთ სიბრტყეზე აყენებს, თანაბარ დროს უთმობს და თანაბარი ემოციით საუბრობს ოკუპაციაზე, საქართველოდან რუსეთის ჯარის გაყვანაზე და კლიმატის ცვლილებასა და მსოფლიო მიგრაციის პრობლემებზე. ამიტომ ეს იყო ზოგადი გამოსვლა, ეს არ იყო გამოყენებული შესაძლებლობაიმისთვის, რომ საქართველოს პრობელმები მიგვეტანა გაეროს წინაშე და რაც მთავარია რეაქცია მოგვეთხოვა მათგან და არამხოლოდ ფორმალურად გვეხსენებინა ოკუპაცია, კონფლიქტი და ქვეყნის წინაშე არსებული პროობლემა" - აღნიშნა დავით ბაქრაძემ.