"არ გპასუხობთ"- ანგი ხუციშვილი პროკურატურაში გამოკითხვაზე მივიდა

პოლიტიკა - 11:49, 26 Sep, 2019

803

პრეზიდენტის ადმინისტრაციის უფროსის მოადგილის მოვალეობის შემსრულებელი, ანგი ხუციშვილი პროკურატურაში გამოკითხვაზე მოვიდსა, თუმცა მედიის კითხვებს არ უასუხა:

"გამოძიებას გავცემ პასუხს... არ გიპასუხებთ"- თქვა ხუციშვილმა.

მან უპასუხოდ დატოვა კითხვა, რა პრინციპით შეირჩა მკვლელობაში მსჯავრდებულები, იყო თუ არა პრეზიდენტი ინფორმირებული ვის იწყალებდა და ასე შემდეგ.

ხუციშვილს არ გაუცია პასუხი გრძნობთ თუ არა პასუხისმგებლობას სკანდალურ შეწყალებებზე.

მედიამ პრეზიდენტის ადმინისტრაციის უფროსის მოვალეობის შემსრულებელს ჰკითხა შესაძლო კორფციაზე, თუმცა როგორც მოსალოდნელი იყო 32 წლის იურისტმა ეს კითხვაც აირიდა.

ცნობისთვის, პრეზიდენტის საპარლამენტო მდივანმა, დიმიტრი გაბუნიამ ხმაურიანი განცხადება გააკეთა და აღნიშნა, რომ პატიმართა შეწყალების საკითხი მასთან სამსახურეობრივად კავშირში არ არის და ამაში მონაწილეობა საერთოდ არ მიუღია. როგორც გაბუნია აცხადებს, პრეზიდენტის ადმინისტრაციაში არსებობს შესაბამისი დეპარტამენტი, რომელსაც თავისი კურატორი ჰყავს და ეს სწორედ ანგი ხუციშვილია.

გაბუნიასვე თქმით, ადმინისტრაციის უფროსის მოადგილე თვეების განმავლობაში შესაწყალებელ პატიმართა სიის შედგენაში იღებდა მონაწილეობას.

„არსებობს შეწყალების დეპარტამენტი, რომელსაც ჰყავს თავისი კურატორი ადმინისტრაციის უფროსის მოადგილე, რომელიც, ჩემი ინფორმაციით, თვეების განმავლობაში იყო დაკავებული თავიდან ბოლომდე ამ სიის შედგენით. მიბრძანდება ეს ადამიანი გამოძიებაში“- თქვა გაბუნიამ.