ხიდაშელი: თუ პრეზიდენტი რამე სასწაულს არ იტყვის, მაგალითად, "რად გვინდა ნატოს წვრთნები"

ხიდაშელი: თუ პრეზიდენტი რამე სასწაულს არ იტყვის, მაგალითად, "რად გვინდა ნატოს წვრთნები" - უკვე გვიხარია

პოლიტიკა - 11:13, 26 Sep, 2019

914

საქართველოს პრეზიდენტის სიტყვა გაეროში - თავდაცვის ყოფილი მინისტრი, თინა ხიდაშელი სალომე ზურაბიშვილის მიერ უმაღლესი ტრიბუნიდან გაჟღერებულ განცხადებებს აფასებს და ამბობს, რომ საქართველოს ოკუპაციის საკითხზე საუბრისას პრეზიდენტი ერთმნიშვნელოვნად სუსტი იყო.

"ყველაფერი შედარებითია ამ ქვეყნად. იმის გათვალისწინებით, როგორ და რას საუბრობს ქალბატონი პრეზიდენტი საქართველოში, კარგი გამოსვლა იყო უდავოდ.

იმის გათვალისწინებით რა მდგომარეობაა საქართველოში, როგორ გვჭირდება დიდი ყურადღება, ყველა ტრიბუნიდან საქართველოში ოკუპაციის გლობალურ საკითხთა რუკაზე მონიშვნა, ერთმნიშვნელოვნად სუსტი გამოსვლა იყო.

თუ შევადარებთ ესტონეთის, პოლონეთის, უკრაინის და სხვა პრეზიდენტების გამოსვლებს, მაშინ უღიმღამოდაც კი მოგვეჩვენება.

ჩვენი გასაჭირი ის არის, რომ თუკი ქალბატონი პრეზიდენტი რამე სასწაულს არ იტყვის, მაგალითად "რად გვინდა ნატოს წვრთნები" ან ამერიკული ბაზები და სხვა, უკვე გვიხარია.

გამოსვლის ბოლო რამდენიმე წუთი ისეთი შთაბეჭდილება მქონდა, თავადაც ეზარებოდა საკუთარი სოტყვის კითხვა და აუჩქარა, შესაბამისად მანამდე ისედაც მკრთალად მოციმციმე აქცენტები ბოლოსკენ სულ გაქრა"- აღნიშნავს ხიდაშელი.