2018 წლის ადგილობრივ შუალედურ არჩევნებზე სკანდალური განცხადებებით ცნობილი ზუგდიდის საოლქო-საარჩევნო კომისიის თავმჯდომარე მირანდა მესხი ზუგდიდში, ლიტერატურულ შეხვედრაზე, რომელსაც ადგილობრივი ხელისუფლების წარმომადგენლები ესწრებოდნენ, „პატრიოტთა ალიანსის“ ადგილობრივ ლიდერთან ერთად გამოჩნდა.

პოეტ რაულ ჩილაჩავას პოეზიის საღამოს შესახებ ინფორმაცია და ფოტო ზუგდიდის მუნიციპალიტეტის მერიის „ფეისბუქის“ გვერდზე გამოქვეყნდა. ანოტაციაში ნათქვამია, რომ „საღამოს ადგილობრივი ხელისუფლების წარმომადგენლები და მოწვეული სტუმრები ესწრებოდნენ“.

აღსანიშნავია, რომ მოწვეულ სტუმრებს შორის საოლქო-საარჩევნო კომისიის თავმჯდომარესთან ერთად „პატრიოტთა ალიანსის“ ადგილობრივი ლიდერი ნინო კვარაცხელიაც იყო.

ფოტოზე, რომელიც მერიის ფბ-გვერდზეა გამოქვეყნებული, მირანდა მესხი და „პატრიოტთა ალიანსის“ ადგილობრივი ლიდერი გვერდიგვერდ სხედან.