ნინი ქარსელაძე: პრეზიდენტი შეწყალებებს მეტი პასუხისმგებლობით უნდა მოჰკიდებოდა და ყველა ქეისი უნდა შეესწავლა

პოლიტიკა - 14:04, 23 Sep, 2019

2547

მომღერალი ნინი ქარსელაძე ირწმუნება, რომ "ნიუპოსტზე" გავრცელებული ინფორმაცია - "მე ნინი არ ვარ" - ქარსელაძე პრეზიდენტის სკანდალურ შეწყალებაზე დასმულ კითხვას გაურბის" სიმართლეს არ შეესაბამება.

ჟურნალისტის მიერ მისთვის მოკლე ტექსტური შეტყობინების გაგზავნისა და მასალის გასვლის შემდეგ ქარსელაძე "ნიუპოსტის" კორესპონდენტს დაუკავშირდა და უთხრა, რომ საზღვარგარეთ იმყოფება, ნომერზე კი მისმა მეგობარმა გვიპასუხა.

მომღერალი ჩვენთვის გამოგზავნილ წერილში ამბობს, რომ სალომე ზურაბიშვილის მიერ მიღებული გადაწყვეტილება მისთვის მიუღებელია.

"პრეზიდენტის დამოკიდებულება შეწყალებებთან დაკავშირებით ჩემთვის სრულიად მიუღებელია. ჩემი აზრით, მას შეეძლო ცოტა მეტი პასუხისმგებლობით მოჰკიდებოდა შეწყალების სიებს, კეთილი ენება და სათითაოდ გასცნობოდა თითოეულ ქეისს. სამწუხაროა, რომ ის ერთ-ერთი მთავარი უფლება, რომელიც პრეზიდენტს აქვს ჩვენს ქვეყანაში, ვერ შეძლო და სწორად ვერ გამოიყენა. ძალიან ვწუხვარ, რომ ჩემი პრინციპების წინააღმდეგ მიწევს წასვლა და ამ ყველაფრის თქმა. მკვლელი და ნარკორეალიზატორი ჩემთვის სინონიმებია!!!!

პ.ს. პრეზიდენტის სასახლე მგონი, მოჯადოებულია, შეწყალების თემებზე"- წერს მომღერალი "ნიუპოსტის" საპასუხოდ.