თბილისში, დოლიძის ქუჩაზე ხის დაცემის შედეგად დაშავებული მამაკაცის მდგომარეობა სტაბილურად მძიმეა. იგი რესპუბლიკურ საავადმყოფოშია მოთავსებული, სადაც დაშავებულს რამდენიმე გადაუდებელი ოპერაცია ჩაუტარდა.

როგორც კლინიკაში აცხადებენ, პაციენტს საავადმყოფოში შეყვანის დროს აღენიშნებოდა სისხლჩაქცევები თავის ტვინში, ასევე ზედა და ქვედა კიდურების მოტეხილობა.

ამჟამად მამაკაცი რეანიმაციულ განყოფილებაში მართვით სუნთქვაზე იმყოფება. ექიმების შეფასებით, მისი მდგომარეობა სტაბილურად მძიმეა.

გუშინ ძლიერი ქარის შედეგად თბილისში თბილისში, დოლიძის ქუჩაზე ხე წაიქცა, რა დროსაც ორი მამაკაცი დაშავდა.