23 სექტემბერს თბილისის სახელმწიფო სამედიცინო უნივერსიტეტში სწავლის დაწყებისადმი მიძღვნილი საზეიმო ღონისძიება გაიმართება, რომელიც გაიხსნება საქართველოს სახელმწიფო ჰიმნით.

პირველსემესტრელებს ახალი, 2019-2020 სასწავლო წლის დაწყებას მიულოცავენ: თბილისის სახელმწიფო სამედიცინო უნივერსიტეტის რექტორი, საქართველოს საკანონმდებლო და აღმასრულებელი ხელისუფლების წარმომადგენლები, მსოფლიოს სხვადასხვა წამყვანი უნივერსიტეტებიდან მოწვეული პროფესორები, სამედიცინო უნივერსიტეტის საპატიო დოქტორები.

თსსუ–ის სტუდენტური თვითმმართველობა, ერთიანი ეროვნული გამოცდების შედეგების მიხედვით ათ ყველაზე რეიტინგულ პირველსემესტრელს დააჯილდოებს სახელმძღვანელოებითა და უნივერსიტეტის სიმბოლიკით გაწყობილი სამახსოვრო საჩუქრებით.

ღონისძიების ოფიციალური გახსნის შემდეგ, გაიმართება პირველსემესტრელების შეხვედრა თითოეული ფაკულტეტის დეკანებთან.

დღის ბოლოს, 18:00 საათზე, თსსუ–ის სიმღერისა და ცეკვის სახალხო ანსამბლი, თსსუ-ის თეატრალურ დარბაზში გამართავსკონცერტს საპატიო სტუმრებისა და სტუდენტებისთვის (მისამართი: ვაჟა–ფშაველას გამზ. N.33, თსსუ-ის III სასწავლო კორპუსი, III სართული, “თეატრალური დარბაზი”).