საქართველოს უსაფრთხოებისთვის, დეოკუპაციისთვის, ევროატლანტიკური მომავლისთვის, დემოკრატიისთვის გადამწყვეტი მნიშვნელობა აქვს ჩვენს ურთიერთობებს მთავარ სტრატეგიულ პარტნიორებთან - ბაქრაძე ვაშინგტონში სახელმწიფო დეპარტამენტში შეხვედრებს მართავს

პოლიტიკა - 10:33, 21 Sep, 2019

746

’’ევროპული საქართველოს’’ ლიდერი დავით ბაქრაძე ვაშინგტონში სახელმწიფო დეპარტამენტში შეხვედრებს მართავს. დავით ბაქრაძე სახელმწიფო მდივნის თანაშემწე ჯორჯ კენდს ასევე სახელმწიფო დეპარტამენტის კავკასიის სექციის ხელმძღვანელს და საქართველოს განყოფილების ხელმძღვანელ პირებს შეხვდა. რუსეთის მხრიდან ბოლო პერიოდში გადადგმულ მძიმე და პროვოკაციული ნაბიჯები, საქართველოს ნატოში გაწევრიანების პერპექტივა და ქვეყანაში არსებული პოლიტიკური ვითარება და 2020 - წლის საპარლამენტო არჩევნების მზადება და ოპოზიციის ბრძოლა თანაბარ პირობებში ხელისუფლებასთან. ამ სამი საკითხზე გაამახვილეს ყურადღება შეხვედრაზე.

დავით ბაქრაძის განცხადებით : - ’’საქართველოს უსაფრთხოებისთვის და დეოკუპაციისთვის , ჩვენი ქვეყნის ევროატლანტიკური მომავლისთვის , ქართული დემოკრატიისთვის გადამწყვეტი მნიშვნელობა აქვს ჩვენს ურთიერთობებს და ამ ურთიერთობების განვითარებას მთავარ სტრატეგიულ პარტნიორებთან . მე, შევხვდი სახელმწიფო მდივნის თანაშემწეს ბატონ ჯორჯ კენდს ,კავკასიის ბიუროს ხელმძღვანელობას ვინც უშუალოდ მუშაობს საქართველოს საკითხებზე. ვისაუბრეთ სამ ძირითად მიმართულებაზე. რუსეთის მხრიდან ბოლო პერიოდში გადადგმულ მძიმე და პროვოკაციულ ნაბიჯებზე ,რომელიც უკავშირდება მავთულხლართების კიდევ უფრო გადმოწევას და ქართული მიწების მიტაცებას, დამატებითი პოსტების გახსნას, საქართველოს ნატოში გაწევრიანების პერპექტივაზე და იმ მხარადჭერაზე ,რომელიც აუცილებელია ამ პროცესში შეერთებული შტატების მხრიდან . ამასთან ბევრი კითხვა იყო ქვეყანაში შიდა პოლიტიკურ სიტუაციასთან დაკავშირებით თუ როგორ ხდება საარჩევნო სისტემის შეცვლა ,როგორი საარჩევნო გარემოა , რამდენად აქვს ოპოზიციას საშუალება თანაბარ პირობებში იბრძოლოს 2020- წლის საპარლამენტო არჩევნებში გამარჯვებისთვის’’ - განაცხადა დავით ბაქრაძემ