გახარია მაკო გომურისთვის თვალის დათხრას "გადაცდომას" უწოდებს და პასუხისმგებლობას ოპოზიციას აკისრებს

პოლიტიკა - 12:46, 20 Sep, 2019

1497

"ეს იყო გავრილოვის დღე, მაგრამ პარლამენტის შტურმის ღამე" - საქართველოს პრემიერ მინისტრი 20 ივნისის მოვლენებზე პასუხისმგებლობას იხსნის და პოლიციელებს, რომლებმაც ახალგაზრდებს თვალი დათხარეს მადლობას უხდის.

"ხაზგასმით მინდა ავღნიშნო, რომ თითოულმა პოლიციელმა, როდესაც შეძლო და დაიცვა სახელმწიფო ინსტიტუტი, ემსახურა სახელმწიფოს და შეასრულა თავისი მოვალეობები. ამ ქვეყანაში ერთხელ და სამუდამოდ უნდა დამთავრდეს ძალადობით... იყო ერთეული გადაცდომები, რომელზეც დევცნა დაწყებულია. თუ იქნება 10 ადამიანის დაკავება საჭირო - დააკავებენ"- განაცხადა გახარიამ ჟურნალისტების კითხვის პასუხად - "ვინ არის პასუხისმგებლი მაკო გომურის თვალების დათხრაზე".
რაც შეეხება 18 დაკავებულ მომიტინგეს, გახარია ამბობს, რომ ამ ადამიანებმა ჩაიდინეს "ძალადობა სახელმწიფო ინსტიტუტის წინააღმდეგ".
პრემიერი "გავრილოვის ღამიდან" 3 თქვის შემდეგაც პასუხისმგებლობას პოლიტიკურ პარტიებს აკისრებს:
"იმ პოლიტიკურმა ძალებმა, იმ პოლიტიკურმა სუბიექტებმა, რომლებმაც დააორგანიზეს ეს აქცია. ისინი ტელევიზიის ეკრანიდან მოუწოდებდნენ მოქალაქეებს ძალადობით შესულიყვნენ პარლამენტის შენობაში"- თქვა გახარიამ.
საქართველოს პრემიერ-მინისტრი და გავრილოვის ღამის სისხლიანი დარბევის შემოქმედი, გიორგი გახარია აცხადებს, რომ ესმის მოქალაქეებისა და ჟურნალისტების ემოციების.

მედიამ მთავრობის მეთაურს შეახსენა, რომ საზოგადოება 3 თვა ეუბნება, რომ მისი მღალ თანამდებობაზე ყოფნა "სირცხვილია".

„მე მესმის თქვენი ემოციურობა დღეს, განსაკუთრებით 20 რიცხვში, ისიც კარგად მესმის, რომ ემოციურობა პირდაპირ უკავშირდება იმ აქციას, რომელიც დღეს არის დაგეგმილი. ამ ქვეყანაში გამოხატვის თავისუფლება არის დაცული. ისევე, როგორც პრემიერ-მინისტრს, პარლამენტი ირჩევს და ამისთვის საჭირო იყო კენჭისყრა“, - განაცხადა გახარიამ.

რაც შეეხება მორალურ პასუხისმგებლობაზე დასმულ შეკითხვას, ქვეყნის პრემიერმა თქვა:

„მორალურ პასუხისმგებლობას ვგრძნობ იმ ადამიანების წინაშე, რომლებიც ამ აქციის შეწყვეტის პერიოდში დაზიანდნენ. აქციის მონაწილეების დამზიანებლები არიან დაკავებულები და გამოძიება გრძელდება და ყველა, ვინც ამ აქციის შეწყვეტის დროს ჩაიდინა გადაცდომა, იქნება დაკავებული“, - განაცხადა პრემიერმა.