"ბავშვს რომ ბიკინებით გადაუღონ, რა მოხდა" - ბავშვთა პორნოგრაფიისთვის გორში დები და სიძე არიან დაკავებულები

პოლიტიკა - 18:09, 19 Sep, 2019

3600

საბავშვო პორნოგრაფიის სკანდალური საქმე - არასრულწლოვნების პორნოგრაფიული მასალების უკანონოდ დამზადება-გასაღებისა და ტრეფიკინგის ბრალდებით დაკავებული 11 პირიდან 3 ერთი ოჯახის წევრია.

როგორც "ნიუპოსტმა" გაარკვია, ისინი გორის მუნიციპალიტეტის სოფელ ზეღდულეთში ცხოვრობენ. ისევე როგორც ამავე სოფლის სკოლის მასწავლებელი, რომელიც უკვე დაკავებულია.

სოფელ ზევღულეთში ამბობენ, რომ სპეცოპერაცია გორის პარალელურად, ლანჩხუთშიც ჩატარდა. რაც შეეხება ინგლისურის ყოფილ მასწავლებელს, არსებული ინფორმაციით, ამერიკის მოქალაქე პირადად უღებდა არასრულწლოვან გოგონებს ინტიმური ხასიათის ფოტოებს.
გორში აცხადებენ, რომ სპეცოპერაციის შედეგად დააკავეს დები ქუთარიშვილები და მათი სიძე, რომელიც ლანჩხუთში აიყვანეს. ამავე საქმეზე დაკავებულია ზედღულეთის კიდევ ერთი მკვიდრი - ქეთევან ოქროპირიძე.

დაკავებული დების მამა, გია ქუთარიშვილი საგანგაშოს ვერაფერს ხედავს იმაში, რომ მის შვილიშვილს საცურაო კოსტიუმში გადაუღეს ფოტოები.

"არანაირი პორნოგრაფია... ჩვეულებრივი სურათებია. ბავშვს რომ ბიკინებით გადაუღონ, რა მოხდა, რა არის?! შიშველ ფოტოებს ჩემი შვილი არ დაუშვებდა"- განუცხადა "მთავარს" გია ქუთარიშვილმა, რომელიც დაადასტურა, რომ მის 8 და11 წლის შვილიშვილებს ფოტოებს უღებდნენ.

"იქ არანაირი პორნოგრაფი არ იყო, ვის რაში აწყობს ჩემი შვილების გაუბედურება არ ვიცი"- ამბობს დაზარალებული ბავშვების ბაბუა.

შსს-მ არასრულწლოვნების პორნოგრაფიული მასალების დამზადების სქემა და დანაშაულებრივი ჯგუფის 11 წევრი გამოავლინა, რომელთა შორის ბავშვების მშობლებიც არიან.