ირაკლი ოქრუაშვილს თავდებში ინგა გრიგოლია უდგება - სასამართლოსთან საპროტესტო აქცია გაიმართა

პოლიტიკა - 16:35, 19 Sep, 2019

985

20 ივნისის საქმეზე დაკავებულ ოპოზიციონერ პოლიტიკოსს, ირაკლი ოქრუაშვილს თავდებში ინგა გრიგოლია უდგება, რომელიც დღეს საქალაქო სასამართლოში გამართულ პროცესს ესწრება.

საქალაქო სასამართლოში სხდომას არ ესწრება თავად ირაკლი ოქრუაშვილი, რომელმაც სასამართლოს წერილი გაუგზავნა, რომელშიც ნათქვამია, რომ პროცესებს იმ შემთხვევაში დაესწრება თუ აღკვეთის ღონისძიებას შეუცვლიან და გირაოთი გაათავისუფლებენ.

პროცესის დაწყებამდე საქალაქო სასამართლოს შენობასთან მისი გათავისუფლების მოთხოვნით აქცია გაიმართა:

„ის არის ერთერთი მთავარი ოპონენტი ბიძინა ივანიშვილის და მისი ხელისუფლებისა და ამიტომაც ჰყავს გამოკეტილი ციხეში, ასევე არიან დანარჩენი ბიჭებიც, ესენია არიან ის ხალხი, რომლებმაც ხმამაღლა თქვეს, რომ მათ უყვართ თავიანთი ქვეყანა საქართველო, ისინი არ დაუშვებენ რუსეთის მიერ საქართველოს ოკუპაციას და ამის გამო არიან ციხეში. ისინი არიან ტყვეები და ივანიშვილის პოლიტპატიმრები. იმ შეთავაზების შემდეგ რაც ჩვენ გავაკეთეთ, თუ ივანიშვილი გონს არ მოეგება და ირაკლის არ გამოიუშვებს, როგორც ივანიშვილმა 2 კვირის წინ აღიარა, რომ საქართველო უნდა გახდეს რუსეთის გუბერნია და ეს დაადასტურა გახარია გაპრემიერებით, ასევე დაადასტურებს, რომ ოქრუაშვილი არის მისი პირადი პატიმარი და ის უნდა იყოს საპატიმროში, რადგან მას ძალიან ეშინია ოქრუაშვილის.“- განაცხადა პარტია „გამარჯვებული საქართველოს“ ერთერთმა ლიდერმა გურამ ჩალაგაშვილმა.