მოსახლეობა მიიჩნევს, რომ 20 ივნისის მოვლენებზე ნიკა მელიას პასუხისმგებლობა 0%-ია, თუმცა "ოცნების" პროკურატურა მას ძალადობის ორგანიზებაში დებს ბრალს

პოლიტიკა - 13:19, 19 Sep, 2019

1037

ეროვნულ-დემოკრატიული ინსტიტუტისა (NDI) და „კავკასიის კვლევითი რესურსების ცენტრი (CRRC) საქართველოს“ მიერ გამოქვეყნებული კვლევის მიხედვით არცერთი გამოკითხული 20 ივნისს მომხდარ ძალადობაზე ნიკა მელიას პასუხისმგებლობის საკითხს არ აყენებს. ეს მაჩვენებელი NDI-ის გამოკითხვაში 0%-ია.

კვლევის საველე სამუშაოები ჩატარდა 13-29 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,131 პირისპირ ინტერვიუს წარმომადგენლობითი შერჩევის საფუძველზე. ცდომილება შეადგენს +/- 2-3 პროცენტს.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.

მოსახლეობისგან განსხვავებით ნიკა მელიას პასუხისმგებლობის საკითხს აყენებს „ოცნების“ ხელისუფლება. 25 ივნისს პარლამენტიდ დეპუტატს ჯგუფური ძალადობის ორგანიზების, ხელმძღვანელობისა და მასში მონაწილეობის ფაქტზე ბრალი წაუყენეს, 27 ივნისს ნიკა მელიას აღკვეთის ღონისძიების სახით 30-ათასლარიანი გირაო შეეფარდა, ელექტრონული სამაჯური გაუკეთეს და გადაადგილებაზე შეზღუდვები დაუწესეს.