ვიცე-პრემიერმა, რეგიონული განვითარებისა და ინფრასტრუქტურის მინისტრი, მაია ცქიტიშვილი NDI-ის კვლევას რიგ საკითხებში არ ეთანხმება.

მინისტრის თქმით, ავტორიტეტული ინსტიტუტების ქართველი პარტნიორები, ყოველთვის სწორად არ ასახავენ ადგილზე არსებულ რეალურ განწყობებს.

"გამოვხატავ პატივისცემას „ენდიაის“, „აიარაის“ და სხვა ასეთი ტიპის ავტორიტეტული ინსტიტუციების მიმართ, თუმცა წლების განმავლობაში გვქონდა შესაძლებლობა, გვენახა, რომ მათი ქართველი პარტნიორები, რომელიც კვლევებს ველზე ატარებენ, ყოველთვის სწორად არ ასახავენ ადგილზე არსებულ რეალურ განწყობებს. ნება მომეცით, ამ შეფასებას ასეთი სახით სრულად არ დავეთანხმო. თუმცა, საკითხებს, რომელიც „ენდიაის“ კვლევებში მოხვდა, რომელიც პირველ ხუთეულში შედის: დასაქმება, ტერიტორიული მთლიანობა, მოსახლეობის შემოსავლები, საქართველოს მთავრობა თავადაც აყენებს. ვიცით, რომ სიღარიბეა ჩვენი მთავარი გამოწვევა, ვიცით რომ ეკონომიკური მდგომარეობის გაუმჯობესება, დასაქმება და ასეთი ტიპის საკითხები არის ჩვენი მთავარი გამოწვევა. ჩვენი ყოველდღიური საქმიანობა მიმართულია, რომ ეს გამოწვევები გადავლახოთ" - აღნიშნა მინისტრმა.