შეწყალებების სკანდალი - "ვინ აიღო ქრთამი ზურაბიშვილის შეწყალებებში... რომელი ტელევიზიის დირეხტორია მაგ ამბავში ჩარეული"

პოლიტიკა - 11:46, 19 Sep, 2019

6346

პრეზიდენტის სკანდალურ შეწყალებებს, საზოგადოება და ოპოზიცია აპროტესტებს. ისინი შესაძლო კორუფციაზე მიანიშნებენ და აცხადებენ, რომ მკვლელობაში მსჯავრდებული პირების შეწყალების სანაცვლოდ ფულია აღბული.

ოპოზიცია სალომე ზურაბიშვილის იმპიჩმენტზე ალაპარაკდა, თავად პრეზიდენტი კი ზედმეტ კითხვებს გაურბის.

საზოგადოების უმწვავესი პროტრესტის ფონზე ქვეყნის პირველმა პირმა შეწყალებაზე მორატორიუმი ისე გამოაცხადა, რომ არ გაუქარწყლებია ეჭვი შეწყალების სანაცვლოდ ფულის შესაძლო აღებასთან დაკავშირებით.

დუმს პრეზიდენტის საპარლამენტო მდივანი, დიმიტრი გაბუნა, რომლის მისამართითაც არსებობს კითხვები. მედიაში აქტიურად მუსირებს აზრი, რომ პრეზიდენტის ადმინისტრაციაში შეწყალებასთან დაკავშირებული საკითხები გვარდება უშუალოდ დიმიტრი გაბუნიას მეშვეობით.

მაგალითად "ევროპული საქართველოს" ერთ-ერთმა ლიდერმა, ირმა ნადირაშვილმა საგანგებო ბრიფინგზე თქვა: "წყაროს ინფორმაციით, თითოეულ კონკრეტულ შემთხვევაში, როდესაც საქმე ეხება ამა თუ იმ პირის შეწყალებას, დაინტერესებული ადამიანები უკავშირდებიან დიმიტრი გაბუნიას და მასთან გადიან უშუალოდ ფინანსურ საკითხებს. ანუ საკითხებს, თუ რა ფასად შეიძლება ესა თუ ის პირი იყოს შეწყალებული".

შეწყალების სკანდალს და კორუფციის ნიშნებს ხედავს "მთავარი არხის" დამფუძნებელი ნიკა გვარამიაც, რომელმაც საკითხზე პოზიცია სოციალურ ქსელში დააფიქსირა:

"ახლა ის მომიყევით, ვინ აიღო ქრთამი ზურაბიშვილის შეწყალებებში (მე ვხვდები, უზუსტესად) და კიდევ, რომელი ტელევიზიის დირეხტორია მაგ ამბავში ჩარეული.

ოოო, ამბავი ამბავზე, მეხი მეხზე, კორპუსი კორპუსზე"- დაწერა ნიკა გვარამიამ.

სკანდალურ შეწყალებაზე წერს და დიმიტრი გაბუნიასა და "რუსთავი 2"-ის ამჟამინდელი დირექტორის პაატა სალიას გვარზე ამახვილებს ყურადღებას ჟურნალისტი ელისო კილაძე:

ცნობისთვის, გაბუნია-სალია ახლო მეგობრები და წარსულში პარტნიორები არიან.

"დიმიტრი გაბუნია,პაატა სალია-დაიმახსოვრეთ ეს ორი გვარი.
დადგება დრო და ორივე გასამართლდება პრეზიდენტის შეწყალების სკანდალის გამო !
როგორ შეიძლებოდა გაბუნიას მიშვება ხელისუფლებასთან
ჭკუა სად გაქვთ !

p.s.ცნობისთვის, ვანო ჩხარტიშვილის ადვოკატები იყვნენ ორივე ბადრის ოჯახთან დავის დროს"- წერს კილაძე.

ცნობისთვის, სალომე ზურაბიშვილმა მარიამობის დღესასწაულთან დაკავშირებით 34 მსჯავრდებული შეიწყალა.

პირველი შოკი და საზოგადოების განსაკუთრებული უკმაყოფილება მოჰყვა 20 წლის ბათუმელი პოლიციელის, თარაშ მუკბანიანის მკვლელობისთვის მსჯავრდებულის, რამაზ დევაძის შეწყალებას, რომლის კრიმინალურ წარსულზე "ნიუპოსტმა" ადრეც დაწერა.

16 სექტემბერს კი გაირკვა, რომ 34 შეწყალებულს შორის შ18 წლის დავით ოთხმეზურის მკვლელობაში მსჯავრდებული ასლან ბეჟანიძეს იყო.

17 სექტემბერს კი გავრცელდა ინფორმაცია, რომ პრეზიდენტმა შეიწყალა მკვლელობაში მსჯავრდებული ზურაბ ნადირაძე.