„ეროვნულ-დემოკრატიული ინსტიტუტისა“ (NDI) და „კავკასიის კვლევითი რესურსების ცენტრი (CRRC) საქართველოს“ მიერ გამოქვეყნებული კვლევის მიხედვით, გამოკითხულთა 19 პროცენტი აცხადებს რომ მის შეხედულებებთან ყველაზე ახლოს „ქართული ოცნება“ დგას.

კითხვა ასე იყო დასმული რომელი პარტია დგას თქვენს შეხედულებებთან ყველაზე ახლოს, პირველი არჩევანის შემთხვევაში პასუხები ასე გადანაწილდა: „არც ერთი პარტია“ – 45 პროცენტი, „ქართული ოცნება“ - 19 %, „ერთიანი ნაციონალური მოძრაობა “ - 9 %, „არ ვიცი“ – 6 %, „პატრიოტთა ალიანსი“ – 4 %, „ევროპული საქართველო-თავისუფალი დემოკრატები“ – 4 %, „სხვა“ – 9 %.

კვლევის საველე სამუშაოები ჩატარდა 13-29 ივლისის პერიოდში, საქართველოს მასშტაბით (ოკუპირებული ტერიტორიების გამოკლებით), 2,131 პირისპირ ინტერვიუს წარმომადგენლობითი შერჩევის საფუძველზე.

ცდომილება შეადგენს +/- 2-3 პროცენტს. „ენდიაის“ კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით.

გამოკითხვას ატარებს CRRC-საქართველო.