"ეს არის ვიღაცისთვის გაკეთებული და მის რაღაც ინტერესებს ემსახურება" - მოსალოდნელ სამთავრობო ცვლილებებს ოპოზიციაში ეხმაურებიან

პოლიტიკა - 19:37, 18 Sep, 2019

1238

მოსალოდნელ სამთავრობო ცვლილებებს ოპოზიციაში ეხმაურებაინ . ოპოზიციონერი პოლიტიკოსები გიორგი გახარიას კადრების დაწინაურებას პრემიერის პოზიციის გამნყარებად მიიჩნევენ.
"ევროპული საქართველოს" წევრი, ზურაბ ჭიაბერაშვილი აცხადებს, რომ ასეთი სამინისტროების ჭრა-კერვა დააზარალებს ქვეყნის მოსახლეობას.

"პრემიერიდან პრემიერამდე, ასეთი სამინისტროების ჭრა-კერვით მხოლოდდამხოლოდ ჩვენი მოქალაქეები ზარალდებიან. ეს იმაზე მოითითებს, რომ მცირე მთავრობის კონცეფცია , ნაკლები ბიუროკრატია, ფულის ყაირათიანი ხარჯვა, არასოდეს ყოფილა "ოცნების" რეალური მიზანი " - აცხადებს ჭიაბერაშვილი."ნაციონალური მოძრაობის" წევრის, რომან გოცირიძის განცხადებით, ასეთი გადაწყვეტილებების მიიღება ვიღაცისთვის გაკეთებული და მის რაღაც ინტერესებს ემსახურება.

" როდესაც მსგავსი გადაწყვეტილებები მიიღება ეს არის ვიღაცისთვის გაკეთებული და მის რაღაც ინტერესებს ემსახურება. ვინაიდან ენერგეტიკის სამინისტრო ერთადერთი საქმით იყო დაკავებული ეს იყო კალაძის ვოიაჟები გაზპრომთან ხელშეკრულების გასაფორმებლად, რომელიც სინამდვილეში არ იყო მისი ფუნქცია. ენერგეტიკის სამინისტროს შექმნა ეს ნიშნავს რაღაც შიდა სამთავრობო კულუარული საკითხების მოგვარებას.

ცნობისთვის, მთავრობაში საკადრო ცვლილებებია მოსალოდნელი. "მთავარი არხის" ინფორმაციით, პრემიერი გახარია ეკონომიკის მინისტრს ნათია თურნავას ცვლის და სამინისტროების რაოდენობას ზრდის. ორად გაიყოფა ეკონომიკის სამინისტრო. ეკონომიკის მინისტრად კი გახარიას ყოფილი მოადგილე ნინო ჯავახაძე დაინიშნება. მოქმედი მინისტრი ნათია თურნავა ენერგეტიკის სამინისტროს ჩაიბარებს.გახარიას კიდევ რთი მოადგილე ნათია მეზვრიშვილი მთავრობის ადმინისტრაციის უფროსი იქნება. რა თანამდებობას დაიკავებს მთავრობის ადმინისტრაციის მოქმედი უფროსი, კახი კახიშვილი ჯერ-ჯერობით უცნობია.