"უვარგისი ადამიანია, მე ვიცი რასაც გავაკეთებ"- დავით ოთხმეზურის მამის პირველი კომენტარი შვილის მკვლელოს გათავისუფლებაზე

პოლიტიკა - 12:09, 18 Sep, 2019

4956

მოკლული 18 წლის დავით ოთხმეზურის მკვლელობაში მსჯავრდებულის მამა, გიორგი ოთხმეზური პრეზიდენტ ზურაბიშვილის მიერ, მისი შვილის მკვლკელობაში მსჯავრდებულის, ასლან ბეჟანიძეს შეწწყალების ფაქტზე პირველ კომენტარს აკეთებს.

ოთხმეზური აღნიშნავს, რომ ის პირადად იმოქმედებს და არ აკონკრეტებს ჩაჯდება თუ არა მისი ქმედება სამართლებრივ ჩარჩოში.

"ქართული ოცნების" მხარდამჭერმა ზურაბიშვიულს "უვარგისი" ადამიანი უწოდა.

"უვარგისი ადამიანია, არ ესმის არაფერი, მეტი აღარ მინდა. გავაკეთებ იმას არასაც მე ჩავთვლი სჭიროდ, რას გავაკეთებ ეს მე ვიცი, თუმცა ამაზე საუბარი არ მინდა"- თქვა ოთხმეზურმა.

დავით ოთხმეზური თბილისში, პეკინის გამზირისა და მიცკევიჩის ქუჩის კვეთასთან 2004 წლის 27 ოქტომბერს მოკლეს. სასტიკ მკვლელობაში ბრალდებული ასლან ბეჟანიძე კი 2016 წლის 26 მარტს დააკავეს. მას ბრალდება საქართველოს სისხლის სამართლის კოდექსის 108-ე მუხლით წარედგინა და თბილისის საქალაქო სასამართლოს მიერ პროკურატურის შუამდგომლობის საფუძველზე აღკვეთის ღონისძიების სახით პატიმრობა შეეფარდა. რამდენიმეწლიანი სასამართლო დავის შემდეგ, უზენაესმა სასამართლომ ბეჟანიძე ოთხმეზურის მკვლელობაში დამნაშავედ ცნო. აღსანიშნავია, რომ საქალაქომ და სააპელაციო სასამართლომ ბეჟანიძე უდანაშაულოდ სცნო.

ამის შემდეგ დაზარალებულმა მხარემ საქმე უზენაეს სასამართლოში გაასაჩივრა.

2018 წლის 2 მარტს ბეჟანიძე ისევ დააკავეს. ამავე წლის 29 მარტს კი საქართველოს უზენაესი სასამართლოს მიერ გამოტანილი განაჩენის საფუძველზე, მას განზრახ მკვლელობისთვის სასჯელის სახედ და ზომად განესაზღვრა 9 წლით თავისუფლების აღკვეთა, რაც 2012 წლის 28 დეკემბრის „ამნისტიის შესახებ“ საქართველოს კანონის გამოყენებით შეუმცირდა და საბოლოოდ განესაზღვრა თავისუფლების აღკვეთა 6 წლის და 9 თვის ვადით. ბეჟანიძე პრეზიდენტმა მარიამობის დღესასწაულზე შეიწყალა.