პრეზიდენტის შეწყალებული პირებიდან ერთი დღესაც ძებნილია

პრეზიდენტის შეწყალებული პირებიდან ერთი დღესაც ძებნილია - წულუკიანის სკანდალური განცხადება

პოლიტიკა - 09:05, 18 Sep, 2019

1634

საქართველოს იუსტიციის მინისტრის განცხადებით, პრეზიდენტის მიერ მარიამობის დღესასწაულზე შეწყალებულ პირებს შორის ერთი ძებნილია. ამის შესახებ თეა წულუკიანმა საზოგადოებრივი მაუწყებლის ეთერში განაცხადა:
''წინა ორი შეწყალებისგან განსხვავებით, მარიამობის შეწყალებაზე პრეზიდენტის ადმინისტრაციასა და იუსტიციის სამინისტროს შორის კონტაქტი არ შემდგარა და ჩვენ პირდაპირ მივიღეთ პრეზიდენტის ხელმოწერილი აქტი, რის შემდეგაც, 24-დან 23 პირი საპატიმროდან გათავისუფლდა, ხოლო ერთი ვერ გათავისუფლდებოდა, რადგან ის დღესაც ძებნილია.''- განაცხადა წულუკიანმა.

წულუკიანის თქმით პირი, რომელსაც ძებნილის სტატუსი აქვს და პრეზიდენტმა შეიწყალა მითვისება-გაფლანგვისთვის იძებნება. იუსტიციის უწყების ხელმძღვანელს მისი ვინაობა არ დაუსახელებია:

„თუ სწორად მახსოვს, ეს მითვისება-გაფლანგვა უნდა იყოს. ეს ადამიანი დაახლოებით, 2009-2010 წლებიდან არის გაუჩინარებული და ძებნილია. რაც შეეხება გვარს, ეს პერსონალური მონაცემია და ვერ დავასახელებ. პერსონალურ მონაცემთა დაცვის ინსპექტორის ძალიან მეშინია. ეს კანონით აკრძალულია და ამ ადამიანის ნებართვაა საჭირო იმისთვის, რომ გვარი გავამჟღავნო. რეალურად, იმ 24 მსჯავრდებულიდან უფრო მეტი იქნა შეწყალებული, მაგრამ დანარჩენები პრობაციონერები იყვნენ და ამიტომ, მათზე დღეს არ მისაუბრია'' - განაცხადა წულუკიანმა.