"დასასრულისკენ, დაისისკენ მიდიხართ, მზის ჩასვენება ხდება „ქართული ოცნების“

"დასასრულისკენ, დაისისკენ მიდიხართ, მზის ჩასვენება ხდება „ქართული ოცნების“ - გოცირიძე უმრავლეობას (ვიდეო)

პოლიტიკა - 13:40, 17 Sep, 2019

1071

ფრაქცია "ნაციონალური მოძრაობის" თავმჯდომარე, რომან გოცირიძე აცხადებს, რომ NDI-ის კვლევის შედეგები „ქართული ოცნებისთვის“ ვერდიქტია.

დეპუტატმა კოლეგებს მიმართა: "განადგურებით დაგვემუქრა გახარია, თქვენი პრემიერ-მინისტრი და როდესაც ამაზე არავითარი რეაგირება არ გაქვთ, ეს ნიშნავს, რომ თავად მიდიხართ განადგურების გზაზე... დღეს გამოქვეყნდა NDI-ის კვლევა, რომელიც ფაქტობრივად, აჩვენებს, რომ დასასრულისკენ, დაისისკენ მიდიხართ. მზის ჩასვენება ხდება „ქართული ოცნების“, თუ ზაქარია ფალიაშილის მუსიკით მიდიხართ დასასრულისკენ და სწორედ თქვენ სრულდებით. ეს არის ვერდიქტი თქვენი 7-წლიანი მუშაობისა, რაც NDI-ს კვლევის სახით ვნახეთ. მეორე მხრივ, ეს ასახავს ქვეყანაში არსებულ კატასტროფულ ვითარებას. ჩვენი ქვეყნის მოსახლეობის 49 % ამბობს, რომ საქართველო მიდის არასწორი მიმართულებით, ეს ხელისუფლების მუშაობის ნეგატიური შეფასების ისტორიული მაქსიმუმია, ბოლო 10 წლის განმავლობაში მსგავსი რამ არ ყოფილა. ასევე, ისტორიული მაქსიმუმია შეფასება, რომ საქართველო თურმე მიდის სწორი მიმართულებით და მოსახლეობის მხოლოდ 18%-ს აქვს ასეთი განცდა. ეს 18%-იც ის ადამიანები არიან, რომლებიც იკვებებიან „ქართული ოცნების“ ხელით - ივანიშვილის ფულით, ბიუჯეტის ფულით, არასწორი ტენდერებით. მოსახლეობის 18%-ია კმაყოფილი თქვენი გზით, მაგრამ მათგანაც მხოლოდ 4% ამბბობს, რომ ქვეყნის ეკონომიკა ვითარდება სწორი მიმართულებით. ეს ფაქტობრივად გამოტანილი ვერდიქტია თქვენი ხელისუფლების დასასრულისა და ეს იმას ნიშნავს, რომ თქვენი ხელისუფლების ეკონომიკური თუ სხვა პოლიტიკა მთლიანად გაკოტრებულია“