"ერთიანი ნაციონალური მოძრაობის" წევრი რომან გოცირიძე სალომე ზურაბიშვილს ოთხმეზურის მკვლელის შეწყალებას სერიოზულ შეცდომად აფასებს.

გოცირიძის თქმით, საქართველოს პრეზიდენტი არასანდოა და ამ კონკრეტული მიმართულებით გამოძიება უნდა დაიწყოს.

"ამ შემთხვევაში გამოძიება უნდა დაიწყოს ამ მიმართულებით, ხომ არ იყო კორუფციული ან სხვა სახის შემთხვევები. ეს უკვე მეორე საგანგაშო მოვლენაა, ამ ბოლო ერთი თვის განმავლობაში, როდესაც კვლავ იწყალებს მკვლელს ისე, რომ არავითარი წინასწარი მოსამზადებელი მექანიზმები არ არსებობს. ვინ არიან ადამიანები, რომლებმაც დაარწმუნეს ზურაბიშვილი, რომ ეს ადამიანი უნდა ყოფილიყო გათავისუფლებული. შედეგი არის ძალიან ცუდი, შედეგი არის ის, რომ პრეზიდენტი არ არის სანდო. ის არ იქცევა ადეკვატურად. მოსდის ძალიან სერიოზული შეცდომები. თუ ამ სფეროში შეცდომა მოგივა, რა გამორიცხულია, რომ სხვა სფეროშიც არ მოუვა, თან ქვეყნის მთავარსარდალი ჰქვია" - აღნიშნა გოცირიძემ.