დამოუკიდებელი დეპუტატი ნატო ჩხეიძე პოლიტიკური მოძრაობა „ლელოს“ დამფუძნებლის, მამუკა ხაზარაძის „მთავარ აქცენტებში“ გაკეთებულ განცხადებებს ეხმაუება და სოციალურ ქსელში წერს:

„სერიიდან: აბა, შეხედეთ.

ქართული ანდაზა: ქურდს რომ ყური უგდო, დღეში ასჯერ გამოტყდებაო.

გუშინდელ „მთავარ აქცენტებში“ „მთავარ არხზე“ მთავარმა დირექტორმა „ჰასტინგსის“ მაგიდის მთავარ შემომტანს საქართველოში, ერთ-ერთი მთავარი შეკითხვა დაუსვა:
ბანკიდან მილიონები რად გაატანეთ კომპანიას კანონის დარღვევითო?

ბ- ნი ხაზარაძის რაც შეეძლო დამაჯერებელი ტონით გაცემული პასუხი იყო ასეთი :

“არანაირი დარღვევა ბანკის მხრიდან არ ყოფილა, რადგან თანხა გატანებული იქნა იმ კლიენტზე, რომელსაც დიდი ხანია ჩვენთან ჰქონდა ანგარიში... “

და მეტი დარწმუნებისთვის, მისი თქმით შიდა გამოძიების ჩატარების შედეგები გვამცნო და მერე უფრო
დაგვიბეჯითა:

“თანხის გატანა აუცილებლად მოხდებოდა ყველა ვითარებაში, მით უფრო იმ პირობებში, როცა დიდი ხნის ბანკისა და კლუენტის ურთიერთობა გაქვს და ყველა იცნობს ერთმანეთს... “

ცნობისათვის: კომპანია გაიხსნა 19 აპრილს, დირექტორები მივიდნენ ბანკში 21 აპრილს. სულ 2 დღის გახსნილი ანგარიში გამოდის.

ეს დირექტორები კი მანამდე სულ სხვა კომპანიის მენეჯერები იყვნენ და ფინანსურ ოპერაციებში მონაწილეობას საერთოდ არ ღებულიბდნენ.

და თბს ბანკის კლიენტებიც არ ყოფილან, იქ არც ხელფასი ერიცხებიდათ და არც კრედიტი გამოუტანიათ.

ფაქტობრივად, იმ დღეს პირველად მივიდნენ მარჯანიშვილზე მდებარე თბს ბანკის მთავარ ოფისში.

ბანკისა და კლიენტის დიდი ხნის ურთიერთობა ნეტავ, რის მიხედვით დაითვალა ბ- მა ხაზარაძემ და მისმა შიდა გამოძიებამ?

შეგონება: სჯობს დრომდე მაინც დუმილის უფლება გამოიყენოს ლელოს
გა(მ)-ზღვა-ვებელმა, თორემ რაც მეტს იღაღადებს ამ თემაზე ბ- ნი ხაზარაძე, მით მეტად და მეტად გაიხლართება“.

შეგახსენებთ: „ომეგას სკანდალში“ ერთ-ერთი ეპიზოდი თი ბი სი ბანკიდან რამდენიმე მილიონის უკანონოდ გატანას ეხებოდა.