"პრორუსული ძალების შეტევა დასავლეთზე" - "პატრიოტთა ალიანსი" ამერიკის საელჩოსთან აქციას გამართავს

პოლიტიკა - 12:40, 15 Sep, 2019

781

"პატრიოტთა ალიანსის" ანტიამერიკული აქცია - პარტია ქვეყნის მთავარ მოკავშირეს და სტრატეგიულ პარტნიორს ღიად უპირისპირდება და მომხრეებს დღეს ამერიკის საელჩოსთან ელოდება. ირმა ინაშვილი დეივიდ კრამერსა და მეთიუ ბრაიზას სასამართლოში უჩივის . პარტიის მომხრეებმა აქცია საგარეო უწყებასთან რამდენიმე დღის წინ გამართეს. დღეს კი ამერიკელი მაღალჩინოსნების განცხადებებს ამერიკის საელჩოსთან გააპროტესტებენ.
"პატრიოტთა ალიანსი" დასავლეთის წინააღმდეგ უკვე გადამწყვეტ შეტევაზე გადადის. ოპოზიცია და ანალიტიკოსები ამბობენ, რომ ეს მმართველი გუნდის ანტიდასავლური გეგმაა, რომელსაც ხელისუფლება "პატრიოტთა ალიანსის" დახმარების ასრულებს.

"ევროპული საქართველოს" წევრი, სერგი კაპანაძე აცხადებს, რომ ბოლომდე მოხდა ლუსტრაცია და "ქართული ოცნების" გადაჯაჭვა რუსულ ძალებთან
"პრორუსული ძალების ეს აქტივობა, დაკავშირებულია 20 ივნისთან, იმიტომ რომ რუსეთს ძალიან დიდი ოპერაცია ჩაუვარდა წყალში, როცა გამოჩნა, რომ საქართველოს მოქალაქეები არიან არარუსული განწყობით. ამასთან არის დაკავშირებული ეს ისტერიული ყრილობები თუ შეხვედრები, რომელსაც პატრიოტთა ალიანსი მართავს და ეს აქციება იმართება "ქართული ოცნების" აქტივის გამოყენებით. ბოლომდე მოხდა ლუსტრაცია და "ქართული ოცნების" გადაჯაჭვა რუსულ ძალებთან. ამას დიდი ხანია ვამბობთ, თუმცა ეს თვალნათელია მთელი საზოგადოებისთვის" - აცხადებს სერგი კაპანაძე.

ანალიტიკოსი გია ნოდია არ გამორიცხავს, რომ "პატრიოტტა ალიანსს" ასეთი გააკტიურება მოსკოვში შეუკვეთეს.

"ინაშვილი ამით იწყებს თავის წინასაარჩევნო კამპანიას და თავს აპოზიციონირებს, როგორც აშკარად აგრესიული ატიდასავლური და პრორუსული ძალა მისი მიჭრა კონფერენციაზე, ახლა პროტესტი საელჩოსთან ნიშნავს სწორედ ამას. ამას არავითარი ობიექტური მიზეზი არ ქონდა, უბრალოდ ინაშვილს სჭირდება, რომ თავი წარმოაჩინოს ასე . ეს მას ჭირდება შეიძლება არჩევნებისთვის, არ გამოვრიცხავ, რომ მოსკოვში უთხრეს, გააქტიურება. რაც შეეხება ივანიშვილს, თუკი მართლა გადავდივართ პროპორციულ არჩევნებზე მას სჭირდება მოკავშირეები და ეს არის ინაშვილი" - აცხადებს გია ნოდია.