"ეს არის ბერკეტი, რათა წინასწარ იცოდეს ამომრჩეველმა თუ ვის უჭერს მხარს" - ოპოზიციაში დოკუმენტის გაფორმებას, რომ ივანიშვილთან კოალიციაში არ შევლენ, ენმ მხარს უჭერს

პოლიტიკა - 14:56, 14 Sep, 2019

860

„ევროპული საქართველოს“ მოთხოვნას, რომ პროდასავლურმა პარტიებმა საჯაროდ დააფიქსირონ თავისი პოზიცია იმის შესახებ, რომ 2020 არჩევნების შემდეგ ბიძინა ივანიშვილთან კოალიციაში არ შევლენ და ამასთან დაკავშირებით სპეციალური დოკუმენტი გააფორმონ, „ნაციონალური მოძრაობის“ წევრი რომან გოცირიძე ეხმაურება.

„მივესალმებით იმ ფაქტს, რომ ევროპული საქართველო შეუერთდა ამ მოწოდებას და ფაქტობრივად მათ იგივე შინაარსის განცხადება გააკეთეს. ეს ემსახურება ივანიშვილის ერთმმართველობის დემონტაჟს და მისი არაფორმალური მმართველობის დასასრულს. ეს არის ერთ-ერთი მნიშვნელოვანი პოლიტიკური ბერკეტი რათა წინასწარ იცოდეს ამომრჩეველმა თუ ვის უჭერს მხარს.“- განაცხადა გოცირიძემ.

რომან გოცირიძე „კანონი და სამართალის“ ლიდერის თაკო ჩარკვიანის განცხადებასაც გამოეხმაურა, რომლის პარტიაც „გაერთიანებული ოპოზიციის“ წევრია. ჩარკვიანის თქმით, პირობას, რომლის დადებასაც "ევროპული საქართველო" ოპოზიციური პარტიებისგან ითხოვს იურიდიული საფუძველი არ გააჩნია და შემოწმებაც შეუძლებელია, თავად „ევროპული საქართველო“ რას იზამს არჩევნების შემდეგ, რადგან მისი თქმით, მან იცის, რომ „ევროპული საქართველოდან“ ზოგიერთი „ოცნებასთან“ თანამშრომლობს. გოცირიძის თქმით, ის ჩარკვიანის ამ განცხადებას არ ეთანზმება:

„გაერთიანებულ ოპოზიციაში 10-ზე მეტი პარტიაა, აბსოლუტურას სხვადასხვა მიმართულების და ცალკეული პარტიების შეხედულების კომენტარს ჩვენ ვერ გავაკეთებთ, ეს მათი ნებაა ქონდეთ საკუთარი მოსაზრება, თუმცა ჩვენ ამჟამინდალ განცხადებას რა თქმა უნდა არ ვუჭერთ მხარს.“- განაცხადა რომან გოცირიძემ.