"კი ბატონო, მზად ვართ მოვაწეროთ ხელი, მაგრამ იქნებ იმაზეც შევთახმდეთ, როგორ გავშალოთ კონსოლიდირებული წინააღმდეგობის ფრონტი დღესვე"- ქარდავა

პოლიტიკა - 14:22, 14 Sep, 2019

1336

„ევროპული საქართველოს“ მოთხოვნას, რომ პროდასავლურმა პარტიებმა საჯაროდ დააფიქსირონ თავისი პოზიცია იმის შესახებ, რომ 2020 არჩევნების შემდეგ ბიძინა ივანიშვილთან კოალიციაში არ შევლენ და ამასთან დაკავშირებით სპეციალური დოკუმენტი გააფორმონ, „ეროვნულ დემოკრატიული პარტიის“ ლიდერი ბაჩუკი ქარდავა ეხმაურება. ქარდავას თქმით, არანაირი გადამწყვეტი მნიშვნელობა და გარანტია არ არის დოკუმენტი, იმის განსასაზღვრად თი 2020-ის არჩევნების შემდეგ ვინ შევა კოალიციაში ივანიშვილთან და ვინ შეინარჩუნებს ოპოზიციური შეთანხმების პრინციპებს:
"გაერთიანებულ ოპოზიციაში ყველა პოლიტიკურ სუბიექტს თავის ხედვები და გემოვნება აქვს, არის საკითხები, ძალიან ბევრი საკითხია, რომლის გარშემოც გვაქვს ერთიანი პოზიცია, არის საკითხები, რომლებზეც ყველას თავი პოზიცია შეიძლება ჰქონდეს. ზოგადად რაც შეეხება იმ თემას, რის გამოც კამათი გაიმართა, მოეწეროს ხელი ბიძინა ივანიშვილის კოალიციაში შესვლა-არშესვლის საკითხს თუ არა,. კი ბატონო, მხად ვართ დოკუმენტზე ხელის მოსაწერად, თუმცა ვფიქრობ, რომ ამას გადამწყვეტი მნიშვნელობა არ აქვს და გარანტია არ არის იმისა, 2020-ის არჩევნების შემდეგ ვინ შევა კოალიციაში ივანიშვილთან და ვინ შეინარჩუნებს ოპოზიციური შეთანხმების პრინციპებს.
2020-ის არჩევნებამდე ქართული სახელმწიფოებრიობა ივანიშვილის პოლიტიკის გამო უამრავი პრობლემის წინაშე დგას, რა იქნება 2020 ამაზე შეიძლება შევთანხმდეთ, მაგრამ ის, რომ დღეს უნდა ვიყოთ კონსოლიდირებული ერთი პრინციპის გარშემო "ყველა მინუს ივანიშვილი" და უნდა გაიშალოს ოპოზიციური წინააღმდეგობის ფრონტი ესეც აშკარაა და იქნებ ამაზეც შევთანხმდეთ. " - განაცხადა ბაჩუკი ქარდავამ.
შეგახსენებთ, „კანონი და სამართალის“ ლიდერი თაკო ჩარკვიანი, რომლის პარტიაც „გაერთიანებული ოპოზიციის“ წევრია, „ევროპული საქართველოს“ ინიციატივას გამოეხმაურა და განაცხადა, რომ პირობას, რომლის დადებასაც "ევროპული საქართველო" ოპოზიციური პარტიებისგან ითხოვს იურიდიული საფუძველი არ გააჩნია და შემოწმებაც შეუძლებელია, თავად „ევროპული საქართველო“ რას იზამს არჩევნების შემდეგ.