"ეს არის სკანდალი, კლასიკური მაფიოზური მმართველობა, ივანიშვილს და მისი კარის ბიზნესმენ ჩხარტიშვილს პასუხი მოეთხოვებათ"- მელია შუშიუს სასახლის ე.წ. ქურდულ გარჩევაზე

პოლიტიკა - 12:15, 13 Sep, 2019

1077

გაერთიანებული ოპოზიციისა და "ერთიანი ნაციონალური მოძრაობის" ლიდერი ნიკა მელია შუშის სასახლეში გამართული ე.წ. წოდული გარჩევის შესახებ, "თიბისი ბანკის" დამფუძნებლის, მამუკა ხაზარაძის სკანდალურ განცხადებას ეხმაურება.
ენმ-ს ლიდერი აღნიშნავს, რომ ქვეყანაში კლასიკური მაფიოზური მმართველობაა.
"თუ კი ვინმემ არ იცის რა არის სკანდალის დეფინიცია, ეს არის სკანდალი. სკანდალი არის ის, რომ ივანიშვილის კარის ბიზნესმენი ჩხარტიშვილი თურმე რიგში დგას და ივანიშვილი ჩხარტიშვილს საქმეებს აგებინებს და ერთი და იგივე მოსამართლეს ეწერება წარმოებაში. ამას ემატება კლასიკური მაფიოზური მმართველობა, როცა ივანიშვილის საცხოვრებელ სახლში იმართება შეხვედრა. სხვა რაღაცებთან ერთად, მარტო ამაზეც მოეთხოვება პასუხი"- განაცხადა მელიამ.
მამუკა ხაზარაძემ სკანდალური განცხადება გუშინ გააკეთა და თქვა, რომ ვანო ჩხარტიშვილი "თიბისის ბანკიდან" 30 000 000 ლარის ამოღებას ცდილობდა.
ბიზნესმენთან შეხვედრა და საქმის გარჩევა კი შუშის სასახლეში, ბიძინა ივანიშვილთან გაიმართა და ამ შეხვედრას მაშინდელი მთავარი პროკურორი ირაკლი შოთაძე ესწრებოდა.
აღსანიშნავია, რომ თავის დროზე ხაზარაძე-ჩხარტიშვიულთან შეხვედრა დაადასტურა და თქვა, რომ ჩხარტიშვილმა ხაზარაძეს 100-ით ნული მოუგო.