მიხეილ სააკაშვილი საქართველოდან უკრაინაში და უკან

მიხეილ სააკაშვილი საქართველოდან უკრაინაში და უკან - უკრაინული მედიის გამოძიება

პოლიტიკა - 16:34, 12 Sep, 2019

2739

მიხეილ სააკაშვილი უდავოდ გამორჩეული ფიგურაა უკრაინის პოლიტიკურ ცხოვრებაში. ქვეყანაში ყოფნის მოკლე პერიოდის განმავლობაში, მან დიდი ნაბიჯი გადადგა პეტრო პოროშენკოს მოკავშირეობიდან მოწინააღმდეგეობამდე.

უკრაინის ყოფილმა პრეზიდენტმა გააცნობიერა, რომ პოლიტიკურად ასეთი მძიმე წონის ფიგურა მის ძალაუფლებას რეალურ საფრთხეს უქმნიდა. ამ საფრთხის გასანეიტრალებლად, საჭირო გახდა ისეთი რადიკალური ნაბიჯების გადადგმაც კი, როგორიცაა მოქალაქეობის ჩამორთმევა და ქვეყნიდან გაძევება“, - წერს უკრაინული გამოცემა „ვერსია“ თავის გამოძიებაში.

მაშინაც კი, როცა პოროშენკოს ხანა დაღმავლობისკენ წავიდა, ხოლო მიხეილ სააკაშვილმა უკრაინის მოქალაქეობის დაიბრუნა, მან უკრაინის პოლიტიკურ ჰორიზონტზე მყარი პოზიციის დაკავება ვერ შეძლო. მისმა პარტიამ "ძალთა მოძრაობამ" ბოლო საპარლამენტო არჩევნებში მხოლოდ 0.4% მოიპოვა. ამდენად მისი პოლიტიკური ვექტორი საქართველოსკენ გადაიხარა, რასაც ქვეყანაში არსებულმა ვითარებამ შეუწყო ხელი.

დღის წესრიგის ფორმირება

ისევე როგორც უკრაინაში, საქართველოს სამოქალაქო საზოგადოება აქტიურად ვითარდება.

რეგიონში ათობით არასამთავრობო ორგანიზაციაა, რომლებიც ადამიანის უფლებებს იცავენ, კორუფციის წინააღმდეგ იბრძვიან, მხარს უჭერენ დასავლური ორიენტაციის პოლიტიკურ კურსს და სიტყვის თავისუფლების განვითარებაზე მუშაობენ. მათი ხმა ყველაზე ხმამაღლა ისმის და ქმედებები კი ქვეყნის შიდა პოლიტიკის ახალ დღის წესრიგს ქმნის.

საქართველოს მოსახლეობის აქტიური სამოქალაქო პოზიციის ნათელი მაგალითი მიმდინარე წლის ივნისის ანტისახელისუფლებო გამოსვლებია.

პროტესტის მთავარი სახეები იყვნენ აქტივისეტები შოთა დიღმელაშვილი, გიორგი ნონიაშვილი, თამარ არველაძე, ალეკო ელისაშვილი, ეგორ კუროპტევი და სხვები.

პროტესტის ტალღის მობილიზაციაში მთავარი როლი მასობრივი ინფორმაციის ისეთმა საშუალებებმა ითამაშეს, როგორიცაა „სოვა ნიუსი“, («Открытый Кавказ» ?) „ჯემნიუსი“, „მოზაიკა“ და რადიო „ნორი“.

ეს აქტივისტები და მედია საშუალებები უცხოური ორგანიზაციების გრანტების წყალობით არსებობენ. მათ შორისაა ჯორჯ სოროსის „საქართველოს ღია საზოგადოების ფონდი“ (OSGF), „ამერიკის დემოკრატიის ეროვნული ფონდი“ (NED), შეერთებული შტატების საერთაშორისო განვითარების სააგენტო (USAID) და ”დემოკრატიის ევროპული ფონდი ”(EED).

ქართულ მედიასა და არასამთავრობო ორგანიზაციებში განხორციელებული ფინანსური ინექციები დასავლურ სტრუქტურებს საშუალებას აძლევს მათი სარედაქციო პოლიტიკა და საქმიანობის მიმართულება განსაზღვრონ.

უნდა გვესმოდეს, რომ ეს არ ხდება რაიმე სახელმძღვანელო დირექტივების გამოცემით, როგორც ეს უკრაინაში და სხვა ქვეყნებშია, არამედ ამერიკელები და ევროპელები თანხებს მხოლოდ განსაზღვრული პროექტებისთვის გამოყოფენ, რომლებიც მათ მიზნებს ემსახურება.

თუ ინიციატივა მიუღებელია, ფული არ იქნება.

ევროკავშირი

ევროკავშირის ხაზით ადგილობრივ სოციალურ მოძრაობებთან მუშაობის ფუნქცია „დემოკრატიის ევროპულ ფონდს“ (EED) ეკისრება. იგი ამერიკის, ბრიტანეთისა და ჰოლანდიისა საელჩოების, ასევე ევროკომისიის დელეგაციის მფარველობით არსებობს.

2019 წლის ივლისის დასაწყისში, EED- ს ქართული მიმართულების ხელმძღვანელი სვეტლანა კობზარი თავის თანაშემწე ვერონიკა კუჩერჩუკთან ერთად საქართველოს დედაქალაქში იმყოფებოდა და სამოქალაქო საზოგადოების წარმომადგენლებს შეხვდა. მოგზაურობის ფოტოები, დასტურად სვეტლანას twitter- ზე (ბმული) ქვეყნდება.

ხოლო სექტემბერში, მაკკეინის ინსტიტუტისა და ეკონომიკური პოლიტიკის კვლევის ცენტრის მოწვევით, თბილისში EED– ის ხელმძღვანელი, იეჟი პომიანოვსკი ჩამოდის.

საპროტესტო მოძრაობის ერთ-ერთი ლიდერი, შოთა დიღმელაშვილი და მისი „მთავრობის მონიტორინგის ცენტრი“ EED– ისგან რეგულარულ დაფინანსებას იღებს ანტიკორუფციული პროექტებისთვის.

მაგალითად, პროგრამა „ხარჯების დეტექტორმა“ კიდევ ერთი გრანტი 55 000 ევროს ოდენობით, 2019 წლის მაისიდან 2020 წლის აპრილამდე პერიოდში მიიღო. ამასთან, ცოტა ხნის წინ, შოთა და მისი პარტნიორი ზაზა აბაშიძე ბრიუსელში იმყოფებოდნენ. უახლოეს მომავალში, ევროკავშირის ეგიდით, ისინი ახალი პროევროპული საზოგადოებრივი ორგანიზაციის შექმნას აპირებენ.

ქართული სამოქალაქო მოძრაობა, რომელსაც ალეკო ელისაშვილი ხელმძღვანელობს, ასევე სრულადაა დაფინანსებული ევროპული გრანტებით. ხელშეკრულების თანახმად, EED– მა ამ ორგანიზაციას 18 თვის განმავლობაში, 2018 წლის ივლისიდან მიმდინარე წლის 31 დეკემბრამდე, 184 000 ევრო-ს ოდენობით გრანტი გამოუყო.

სოროსის ბავშვები

საქართველოში პროდასავლური მოძრაობების საქმიანობაში უცხოელთა დაფინანსების როლზე საუბრისას შეუძლებელია ჯორჯ სოროსის სტრუქტურის უგულვებელყოფა.

ისინი ასევე აქტიურად მუშაობენ უკრაინაში, სადაც სამოქალაქო სექტორს უჭერენ მხარს და ახალ პოლიტიკურ ლიდერებს ზრდიან.

მაგალითად, პარტიებში "ხალხის მსახური" და "ხმა" არის უამრავი ადამიანი, რომელბმაც სოროსისგან დაგინასება სხვადასხვა დროს მიიღეს.

სინამდვილეში, ეს სახელი გახდა ბრენდი, რომელიც ბიზნეს და პოლიტიკურ ინტერესებს ატარებს. ის ამერიკის დემოკრატიული პარტიის აქტიური მხარდამჭერი და ერთ-ერთი უდიდესი სპონსორია. პარტიის ერთ-ერთ ლიდერად ყოფილი ვიცე-პრეზიდენტი ჯო ბაიდენი ითვლება. მოგეხსენებათ, რომ ჯორჯ სოროსი თავიდანვე მფარველობდა მიხეილ სააკაშვილს.

სოროსის დაფინანსებით, საქართველოს არასამთავრობო სექტორს „ღია საზოგადოების ფონდის“ პროგრამის მენეჯერი ივანე ჩხიკვაძე უხელმძღვანელებს.

მაგალითად, 2019 წლის 1 თებერვლიდან „აღმოსავლეთ ევროპის მრავალპარტიული დემოკრატიის ცენტრი“, რომელსაც სოროსი აფინანსებს, 10 პროდასავლურ ქართულ მოძრაობას, მათთვის სტრატეგიული დაგეგმვის მასალების შემუშავებით უჭერს მხარს.

პროექტის ბიუჯეტი 7,5 მლნ ევროს აღემატება. ამ თანხების სანაცვლოდ, პროექტის ავტორები წერენ, რომ მაღალი თანამდებობის პირების მხრიდან სამოქალაქო საზოგადოებაზე ზეწოლა მიმდინარეობს.

გასაგებია, რომ ეს პროგრამა ასწავლის აქტივისტებს, თუ როგორ უნდა შეეწინააღმდეგონ მთავრობას და გააუმჯობესონ თავიანთი ორგანიზატორული უნარები.

ამასთან, 2019 წელს სოროსის ფონდმა კიდევ $350 000 გამოყო ქართული მედიისთვის. ამ ფულის წყალობით არსებობენ, ისეთი მცირე ონლაინ გამოცემები, როგორებიცაა Netgazeti.ge, „კახეთის საინფორმაციო ცენტრი“, „რეგინფო“ და სხვ.

აშშ-ს დემოკრატიული პარტია

ივნისის საპროტესტო აქციების ორგანიზება ასევე, ამერიკული არაკომერციული ორგანიზაციის ფონდი „თავისუფალი რუსეთისთვის“, თბილისის ოფისის ხელმძღვანელთან ეგორ კუროპტევის სახელთან ასოცირდება.

მთელი ამ სტრუქტურის სათავეში იმყოფებიან აშშ-ს დემოკრატიული პარტიის ცნობილი წარმომადგენლები - დევიდ კრამერი, რომელსაც კლინტონის ოჯახთან მჭიდრო კავშირი აქვს და თომას მელია, რომელიც ადრე ობამას ადმინისტრაციასა და ეროვნულ დემოკრატიულ ინსტიტუტში მუშაობდა.

გარდა ამისა, მასობრივი აქციების დაწყებამდე რამდენიმე დღით ადრე, ეგორ კუროპტევი მაიკლ კარპენტერს შეხვდა, რომელიც ჯო ბაიდენის გლობალური ჩართულობის ცენტრის უფროსი დირექტორია.

თბილისში ვიზიტისას ამერიკელმა სტუმარმა ერთიანი ნაციონალური მოძრაობის (ენმ) წარმომადგენლებთან შეხვედრების სერია გამართა. ამის შემდეგ, მან დადო ტვიტი, რომელშიც გამოიყენა ლოზუნგი : "საქართველოს 20% რუსეთს ოკუპირებულია". ამასთან, მან ჩრდილოეთ მეზობელთან ურთიერთობების დამყარების შესაძლო უარყოფითი შედეგების შესახებ შეშფოთება გამოხატა.

ნიადაგის მომზადება

გაცნობიერებულად თუ გაუცნობიერებლად, ქართული სამოქალაქო საზოგადოება პოლიტიკური პროცესების მონაწილეა.

ივნისის საპროტესტო აქციები 2020 წლის საპარლამენტო არჩევნებისთვის ნიადაგის მომზადებად შეიძლება ჩაითვალოს.

თუკი ამაზე ვთახმდებით, გამოდის, რომ ქართული და უცხოური არასამთავრობო ორგანიზაციები, რომლებსაც დასავლური ფონდები და მთავრობები აფინანსებენ, პროტესტის დროს ოპოზიციური პარტიის „ერთიანი ნაციონალური მოძრაობის“, სასარგებლოდ მოქმედებდნენ, რომლის ლიდერი კვლავ სააკაშვილია.

ამჟამინდელ საპარლამენტო უმცირესობას საზოგადოებაში განწყობის შესაცვლელად ხმაურიანი მოვლენები სჭირდება, რათა თავისი იდეოლოგიის დაბრუნებისთვის ნიადაგი მოამზადოს და წარსულში წაგებული არჩევნებისთვის რევანში მოაწყოს.

აქედან გამომდინარე, უახლოეს მომავალში მიხეილ სააკაშვილის მხრიდან უკრაინის პოლიტიკურ ასპარეზზე აქტიურობის შემცირებასა და ქართულ ფესვებთან დაბრუნებას უნდა ველოდოთ.

ამის გათვალისწინებით, მხოლოდ დასანანია, რომ მომავალ წელს ოდესის მერის არჩევნები, ქართველი პოლიტიკოსის გარეშე, ბევრად ნაკლებად დასამახსოვრებელი იქნება.