"პატრიოტთა ალიანსი" საქართველოში მიმდინარე საერთაშორისო კონფერენციაზე ირმა ინაშვილსა და დევიდ კრამერს შორის მომხდარ ინციდენტთან დაკავშირებით, საქართველოში აშშ-ის საელჩოსთვის ნოტის გაგზავნას გეგმავს.

ამის შესახებ, პარტიის წარმომადგენელმა გიორგი ლომაიამ ისაუბრა და აღნიშნა, რომ კრამერმა ბოდიში უნდა მოიხადოს.

"ამერიკის საელჩოში ნოტა აუცილებლად გაიგზავნება. ჩვენ დევიდ კრამერის მხრიდან ბოდიშის მოხდას მოვითხოვთ. მისი საქციელი გუშინ იყო არაადეკვატური. პოსტებს ინტერნეტშიც ვკითხულობთ, ძალიან ბევრი ადამიანი წერს, რომ ირმა ინაშვილი შეიძლება, არ მოსწონდეს, მაგრამ ეს რა საქციელია, ჩამოდის სტუმარი და მასპინძელს ასე ექცევა. ყველაფერს თავი რომ დავანებოთ, კაცი ხარ და უნდა იცოდე, ქალს როგორ ექცეოდე" - განაცხადა ლომაიამ.