10-მდე თითის ანაბეჭდი ხაზარაძისთვის გაგზავნილ მუქარის წერილზე - გიორგი გახარია შესაძლოა განსასჯელის სკამზე აღმოჩნდეს

პოლიტიკა - 12:08, 10 Sep, 2019

4750

"თიბისი ბანკის" დამფუძნებლისთვის გაგზავნილ სკანდალურ წერილზე 10 ზე მეტი თითის ანაბეჭდია აღმოჩენილი. საუბარია გიორგი გახარიას მიერ მამუკა ხაზარაძისთვის გაგზავნილ წერილზე, რომლსაც ექსპერტიზა საზღვარგარეთ ჩაუტრდა. ბიზნესმენის უცხოელი ადვოკატი სტივენ ქეი ამბობს, რომ თითის ანაბეჭდების სკანირებული ვერსია და დასკვნის პასუხები უკვე თბილისშია.
"წერილი მთლიანად იქნა შესწავლილი. მასზე აღმოჩნდა თითის ანაბეჭდები. ეს ანაბეჭდები გადაღებულია და შენახულია დოკუმენტებად. საბოლოო დასკვნა ლაბორატორიიდან უკვე არსებობს და ის მე ჩამოვიტანე თბილისში. ჩვენ გვაქვს მოცემულობის მთელი ჯაჭვი წერილზე, რომელიც მამუკა ხაზარაძემ მიიღო. ვიცით ვისია თითის ანაბეჭდები. კითხვა რჩება მხოლოთ მათზე - ვინ არის გამგზავნი. ეს ანაბეჭდები უნდა გაანალიზოს იმ ორგანომ, რომელსაც აქვს საქართველოს მოქალაქეების მონაცემთა ბაზა, სადაც შეუძლიათ ამ ანაბეჭდების გაშიფვრა და იმის გარკვევა, ვის ეკუთვნის ეს მასალა და გააკეთოს შედარება. პროკურატურას არ უნდა გაუჭირდეს მათ კვალზე გასვლა და მათთვის კითხვების დასმა. მე აქ ვარ იმისთვის, რომ გაჩვენოთ - ჩვენ გვაქვს მტკიცებულება და ეს არის პროკურატურისთვის, რომ მათ მოახდინონ იდენთიფიცირება. მე არ ვარ აქ იმისთვის, რომ ვინმესკენ ხელი გავიშვირო. ეს არის დიდი მნიშვნელობის მქონე მტკიცებულება. ვინც მიიღო მონაწილეობა და დაწერა ეს წერილი კარნახით მათ მოუწევთ კითხვებზე პასუხის გაცემა, თუ რატომ მიიღეს მონაწილეობა ასეთი მუქარის შემცველი წერილის დაწერაში"- აცხადებს "მთავართან" ადვოკატი სტივენ ქეი.