მუქარა, პოლიტიკური გავლენა და ფარული კავშირები - ხაზარაძის ბრიტანელი ადვოკატი გახარიას სკანდალურ წერილზე და "TV-პირველი"-ს შესაძლო შეზღუდვაზე საუბრობს

პოლიტიკა - 15:30, 09 Sep, 2019

1113

გახარიას სკანდალური წერილი მამუკა ხაზარაძეს - თიბისი ბანკის დამფუძნებლების ბრიტანელი ადვოკატი სტივენ ქეი აცხადებს, რომ წერილში მუქარაა და კითხვა ახლა ასე უნდა დაისვას, თუ ვის ამოძრავებდა "TV-პირველი"-ს სხვა ტრენდზე გადაყვანა:
"თუკი ვინმე შეისწავლის ამ წერილს, ნახავს მუქარებს, რომ გადაიყვანოს ერთი ტელევიზიის მაუწყებლობა სხვა ტელევიზიის ტრენდზე. ამიტომ კითხვა უნდა დაისვას ასე: ვის შეიძლება ჰქონდეს და ამოძრავებდეს სურვილი ამ მუქარების?! ცხადია, ჩანს პოლიტიკური გავლენა და ფაქტორი. ველოდები, რომ პროკურორის ოფისი მიიყვანს ბოლომდე საქმეს. რაც შეეხება მისი გამოძიების ვადას, როგორც იცით, წერილი გაგზავნილია სხვადასხვა ადგილას, მათ შორის დიდ ბრიტანეთში და ახლა შემდეგი ნაბიჯი არის ის რომ მოხდეს ყველაფრის ანალიზი, თუმცა ახლა რაც დანამდვილებით ვიცით არის ის რომ წერილის ენა და განზრახვა გამოავლენს სუფთა სტრატეგიას პოლიტიკურ გავლენებზე გამოავლენს ბევრ სიძნელეებს მათ შორის ეს ეხება "ტვ-პირველსაც". რაც შეეხება იმას, რამდენად შეიძლება შეეხოს "თიბისის" საქმე "ტვ. პირველის" გამართულად ფუნქციონირებას და ჟურნალისტების მედიადამოუკიდებლობაზე შემიძლია ვთქვა, რომ ამის ნიშნები არსებობს"- აცხადებს ადვოკატი სტივენ ქეი.

მისივე თქმით, ბიზნესმენების, ბადრი ჯაფარიძისა და მამუკა ხაზარაძის წინააღმდეგ დაწყებულ სამართლებრივ დავას პოლიტიკური სარჩული აქვს:
"თიბისი ბანკის გარშემო განვითარებული მოვლენები ძალიან საინტერესოა. რადგან საქმე ეხება სამართლებრივი დავის აღძვრას ორ ძალიან საპატივსაცემო და დამსახურებული ბიზნესმენების წინააღმდეგ რომლებსაც ძალიან დიდი წვლილი აქვთ შეტანილი ქართული ეკონომიკის განვითარებაში. ჩემთვის ნათელია, რომ საქმეს პოლიტიკური სარჩული აქვს. და ბიზნესმენები პოლიტიკური ზეწოლის ქვეშ იმყოფებიან. ეს საგანგაშო საკითხია, რადგან თუკი მთავრობა ერევა, ეს აუცილებლად იმოქმედებს ქვეყნის დემოკრატიულობაზე და მის განვითარებაზე. რაც შეეხება წერილს, მე არ ვიცი ვინ გამოაგზავნა წერილი, მაგრამ ამ წერილის სინამდვილე შეიძლება შემოწმდეს იმით თუ ვინ ხმარობს იდენტურ გზებს, რა არის წერილის ენა, ვის გამოუხატავს კავშირი ირიბად ამ წერილთან, ეს ძალიან საინტერესო თემაა, რადგან ის არის ინდიკატორი იმ კორუფციისა რომელსაც ქვეყანაში ფეხი აქვს მოკიდებული"- აცხადებს "ტვ. პირველთან" ხაზარაძე-ჯაფარიძის ბრიტანელი ადვოკატი.