"გახარიას წერილის ექსპერტიზა სერიოზული შედეგებით დასრულდა, პროკურატურაში საქმე აღიძვრება"- ხაზარაძის სკანდალური განცხადება

პოლიტიკა - 14:26, 09 Sep, 2019

4367

"თიბისი ბანკის" დამფუძნებელი მამუკა ხაზარაძე დღესაც იმეორებს, რომ მან სკანდალური წერილი მაშინდელი შს მინისტრისა და ახლა უკვე საქართველოს პრემიერისგან, გიორგი გახარიასგან მიიღო.

რაც შეეხება წერილის ავთენტურობას, მამუკა ხაზარაძემ ჟურნალისტებს უთხრა, რომ უცხოეთში ჩატარებულ ექსპერტიზაზე ადვოკატები ისაუბრებენ.

ხაზარაძის თქმით, ეს წერილი მიუთითებს საქართველოში არსებულ მართვის მახინჯ ფორმაზე.

"პირველი ექსპერტიზა საკმაოდ სერიოზული შედეგებით დამთავრდა, რასაც ადვოკატები გაამჟღავნებენ და იტყვიან. ასევე, გრძელდება სხვა ტიპის ექსპერტიზა და შესაბამისად, იმედია, რომ პროკურატურაში საქმე აღიძვრება. მათ საფუძველი ჰქონდათ, რომ ეს საქმე თებერვალში აღეძრათ, რაც არ გააკეთეს. ჩათვალეს, რომ ეს იყო ვიღაცის მიერ დაწერილი სახუმარო წერილი. ვფიქრობ, ეს სირიოზული წერილია, რომელიც მიუთითებს, რამდენად მახინჯი და კრიმინალური აზროვნების სტრუქტურებთან და თანამდებობის პირებთან გვაქვს საქმე ამ სახელმწიფოში. ჩვენ ამას გამოვავლენთ და საზოგადოებისთვის ყველაფერი ცნობილი გახდება.

იმედი არ მაქვს, რომ დღევანდელი პროკურატურის პირობებში შეიძლება, რომ ნებისმიერი საქმე ობიექტურად იქნას გამოძიებული, მითუმეტეს, რომ ტრადიციად იქცა, პირადი ადვოკატების გენერალურ პროკურორებად და მინისტრებად დანიშვნა. ეს არის ქვეყნის მართვის მახინჯი ფორმა, რომელიც უნდა შეიცვალოს," - განაცხადა მამუკა ხაზარაძემ.