ზუგდიდის მერიის ააიპ "ბიბლიოთეკების მართვის ცენტრის" დირექტორის მოადგილემ, ზაზა ფარცვანიამ, სოციალურ ქსელში აქცია "სირცხვილიას" აქტივისტების მიმართ შეურაცხმყოფელი პოსტები დაწერა შემდეგ კი წაშალა.

"ემზარი მაგარი კაცია"..."კურიცი, ნე ხადიტე ნა ულიცე, თორმ ემზარი დაგიჭერთ, დაგჩინჩლავთ და გაგიშვებთ"- წერს ფარცვანია.

როგორც მან რადიო ათინათს უთხრა, მისი პირადი ფეისბუქი პირადი სივრცეა და საკუთარ აზრს სოციალურ ქსელში ამიტომაც აფიქსირებს.

"ეს ადამიანები არიან მართულები და 20 ადამიანის მოთხოვნა მოთხოვნაა და 2 მილიონის არა?უკვე გამაღიზიანებელია ამ პროვოკატორების საქციელი, ქვეყნის განვითარებას ხელს უშლიან და ისე არ უნდათ ქვეყნისთვის კარგი, როგორც მე ჩინეთისთვის"- უთხრა ფარცვანიამ ათინათს.