„როცა ადამიანი მართალია, მთასაც გადადგამს. რომელი მთა ივანიშვილია?! გამარჯვება გარდაუვალია“

„როცა ადამიანი მართალია, მთასაც გადადგამს. რომელი მთა ივანიშვილია?! გამარჯვება გარდაუვალია“ - ნიკა მელია

პოლიტიკა - 13:54, 08 Sep, 2019

1510

ოპოზიციის ლიდერი და ენმ-ის პოლიტსაბჭოს თავმჯდომარე ნიკა მელია პარლამენტში მივიდა. ის საკანონმდებლო ორგანოში სიტყვით გამოსვლას გეგმავს.

„მთავარ სათქმელს ვიტყვი აქ“ - განაცხსდა მელიამ. მისი თქმით, ძალიან მალე ქართველი ხალხი „ივანიშვილის ხელისუფლებას გადადგამს. გამარჯვება გარდაუვალია“ - განაცხადა მელიამ.

„დღეს საქართველოში საქართველოს მოქალაქე ვერცერთი უფლებით ვერ სარგებლობს, ვერც პოლიტიკურით, ვერც სოციალურით, ვერც ეკონომიკურით. ივანიშვილის ხელისუფლებას კეფაში ესმის ქართველი ხალხის სუნთქვა და რა თქმა უნდა, ძალიან მალე ქართველი ხალხი დაიბრუნებს თავის ქვეყანას და ივანიშვილის ხელისუფლებას გადადგამს, სადაც უნდა გადაიდგას. დღეს ისტორიის სწორ მხარეს დგას ქართველი ხალხი და არასწორ მხარეს დგას ივანიშვილის ხელისუფლება. ამ სამყაროში არაფერი იმაზე ღირებული და კარგი არ შექმნილა, ვიდრე ადამიანია და არაფერი იმაზე ძლიერი არ შექმნილა, ვიდრე მართალი ადამიანია. და როცა ადამიანი მართალია, მთასაც გადადგამს. რომელი მთა ივანიშვილია?! აქედან გამომდინარე გარდაუვალია გამარჯვება. უბრალოდ მოკლე დისტანციაა დასაფარი. ემოციები მძინვარებს. ყველაფერი უნდა გავაკეთოთ იმისთვის, რომ ივანიშვილის ხელისუფლების მარცხისა და ჩამოშორების თანავე დაიწყოს ქვეყნის აღმშენებლობა. ჩვენ გვინდა ამ ქვყენას ჰქონდეს მკაფიო და ნათელი მომავალი,“ - განაცხადა მელიამ.

შეგახსენებთ, რომ დეპუტატი ნიკა მელია, 3-თვიანი შინაპატიმრობის შემდეგ პარლამენტში პირველად მივიდა. 20 ივნისის ანტისაოკუპაციო აქციის შემდეგ უმრავლესობის დეპუტატებმა დააკმაყოფილეს პროკურატურის მოთხოვნა ნიკა მელიასთავი ბრალის წაყენების შესახებ, რის შემდეგად სასამართლომ მას აღმკვეთი ღონისძიების სახით შინაპატიმრობა და გირეო შეუფარდა.