პარლამენტში მთავრობისთვის ნდობის გამოცხადების პროცესის ფარგლებში „ევროპული საქართველოს“ ფრაქციის ფორმატში შეხვედრა პრემიერ-მინისტრობის კანდიდატის გიორგი გახარიასთვის დასმული შეკითხვების შემდეგ დასრულდა. ოპოზიციამ მინისტრობის კანდიდატებისთვის შეკითხვების დასმა არ ისურვა. „ევროპული საქართველოს“ განცხადებით გახარიას პასუხების შემდეგ კიდევ უფრო ნათელი გახდა ის, თუ რატომ არ უნდა გახდეს გიორგი გახარია ქვეყნის პრემიერ-მინისტრი.