პარლამენტში მთავრობისთვის ნდობის გამოცხადების პროცესის ფარგლებში „ევროპული საქართველოს“ ფრაქციის ფორმატში შეხვედრა იმართება. გიგა ბოკერიას შეკითხვა შეეხებოდა სერგეი გავრილოვის საქართველოში შემოშვების საკითხს. ბოკერიამ გიორგი გახარიას კითხა რატომ არ გამოიყენეს ის შეზღუდვა, რომელსაც საქართველოს კანონი ითვალისწინებს, იმ პირების მიმართ, რომელთა ქვეყანაში შემოშვებამაც შესაძლოა ქვეყანაში არეულობა გამოიწვიოს. გახარიას პასუხი იყო, რომ ხელისუფლებამ გავრილოვის შემოშვებასთან დაკავშირებით იმ კანონებით იხელმძღვანელა, რომელიც იმ ხელისუფლების მიღებულია, რომლის წარმომადგენელიც თავად ბოკერია იყო.