პრემიერ-მინისტრობის კანდიდტი გიორგი გახარია ისევ ოპოზიციას ესხმის თავს.

მისი თქმით, „ნაციონალური მოძრაობის სახე, ტყუილი, სიცრუეა.

გახარია ამბობს, რომ ენმ-მ მაკო გომურის სახელი გამოიყენა.

"ველოდით, რომ ეს სპექტაკლი იქნებოდა დღეს აქ. თუმცა ჩვენ პატივს ვცემთ მათ ამომრჩეველსაც და ინსტიტუტებს. ამიტომ მოვედით ჩვენ აქ. ჩვენი ამოცანაა მათ ამომრჩეველთან საუბარი პირველ რიგში. ტყუილების კორიანტელი, რომლისთვისაც მათ გამოიყენეს მაკო გომურიც. მათ უბრალოდ მოიტყუეს, როცა თქვეს, რომ ეს ადამიანი არის აქ. ეს არის განსახიერება როგორ აცხოვრებდნენ ისინი წლების განმავლობაში სიცრუეში ჩვენს საზოგადოებას"- განაცხადა ჟურნალისტებთან გახარიამ.

მისი თქმით, მათი მიზანი "ამ სიცრუის დასრულებაა".

"ნაციონალური მოძრაობა მოდელირებული რეალობით ცდილობს რადიკალიზაციის გაზრდას და რაღაც რევოლუციური განწყობების მოლოდინების შექმნას. რაც უბრალოდ შეუძლებელია. 20 ივნისს, როდესაც ადამიანები მშვიდობიან პროტესტს გამოთქვამდნენ, ზოგოერთმა უპასუხისმგებლო პოლიტიკოსმა მათ მოუწოდა და შტურმით წაიყვანა სახელმწიფო ინსტიტუტზე. უბედურება და სიმართლე იმაში მდგომარეობს, რომ ამის შედეგად ჩვენ გვყავს დაზარალებული, როგორც ჩვენი მოქალაქეები, ისევე პოლიციელები. ვერცერთი პოლიტიკოსი ვერ იქნება იმ შედეგებით დათრგუნული, როგორც მე ვარ ამ ღამის შემდგომ. სიმართლეა, რომ ჩვენ გვყავს ორი ადამიანი, რომელმაც დაკარგა თვალი. ეს ყველაფერი სიმართლეა, მაგრამ ამასთან ერთად, სიმართლეა ის, რომ ჩვენმა უპასუხისმგებლო ოპოზიციამ თვალიდან ხელი უნდა მოიშოროს და რეალობას თვალი გაუსწოროს"- თქვა გახარიამ.