"ნაცვლად იმისა, რომ განსასჯელის სკამზე ყოფილიყვნენ, ეს ადამიანები გვევლინებიან ხელისუფლების სათავეში, ეს არის მსვლელობა ავტორიტარული რეჟიმისკენ"

"ნაცვლად იმისა, რომ განსასჯელის სკამზე ყოფილიყვნენ, ეს ადამიანები გვევლინებიან ხელისუფლების სათავეში, ეს არის მსვლელობა ავტორიტარული რეჟიმისკენ" - რომან გოცირიძე გახარიას მთავრობაზე

პოლიტიკა - 12:26, 06 Sep, 2019

556

პარლამენტში მთავრობისთვის ნდობის გამოცხადების პროცესი ფარგლებში „ნაციონალური მოძრაობის“ ფრაქციის ფორმატში შეხვედრა იმართება, რომელსაც მთავრობის სრული შემადგენლობა პრემიერ-მინისტრობის კანდიდატის ხელმძღვანელობით ესწრება. ენმ-ს გადაწყვეტილებით მათ ივანიშვილის მთავრობასთან შეკითხვები არ აქვთ და შეხვედრის მიზანი მათთვის იმ დანაშაულების შეხსენებაა, რომელიც იმ ადამიანებმა ჩაიდინეს, რომელსაც ახლა „ქართული ოცნება“ დაწინაურებას უპირებს:

„ვინ არიან ის დამნაშავეები, რომლებსაც ჯერ კიდევ მფარველობს ივანიშვილი და ნაცვლად იმისა რომ ეს ადამიანები ყოფილიყვნენ განსასჯელის სკამზე ეს ადამიანები გვევლინებიან ხელისუფლების სათავეში. ვინ გასცა ბრძანება და 20 ივნისის მოვლენების შემდეგ რატომ მიდის საქართველო პოლიციური სახელმწიფოს გზით. 20 ივნისის შემდეგ საქართველოში მოხდა იმდენი დანაშაული, რომ ეყოფოდა ერთ დიქტატორს მრავალი წლის განმავლობაში. რეპრესიები, პოლიტიკური ლიდერების დაპატიმრება, ოქრუაშვილის სახით ციხეში, ნიკა მელია არის შინაპატიმრობაში. ნიკა გვარამიას წინააღმდეგ სისხლის სამართლის საქმე,, რ2 დახურეთ და შეასრულეთ რუსეთის სათათბიროს სანუკვარი ოცნება. აგრძელებთ მედია საშუალებებთან ბრძოლას. ბიზნესი დაატერორეთ, ტიბისი ბანკის ხელმძღვანელობა ფაქტობრივად შინა პატიმრობაშია, გააჩერეთ ანაკლიის პორტი. და კულმინაცია ადამიანები რომლებმაც პასუხი უნდა აგოს ამ საქმეებზე თურმე ქვეყანა უნდა მართონ.“- განაცხადა რომან გოცირიძემ. მისი თქმით, ამ დანაშაულებების გაგრძელებაა უზენაესი სასამართლოს მოსამართლეთა სიაც.

„რა შეიძლება ამას ვუწოდოთ თუ არა პირდაპირი მსვლელობა ავტორიტარული რეჟიმისგან. ივანიშვილმა ისე დაალაგა, რომ თქვენ ქვეყნის გადასარჩენად მომზადებული ჯგუფი კი არა , პოლიციური სახელმწიფოს საარჩევნო შტაბი ხართ“- მიმართა გოცირიძემ პრემიერ-მინისტრისა და მინისტრობის კანდიდატებს.