პარლამენტში მთავრობისთვის ნდობის გამოცხადების პროცესი გრძელდება, დღეს მთავრობის შემადგენლობას „ნაციონალური მოძრაობის“ და „ევროპული საქართველოს“ წევრები ფრაქციების ფორმატში მოუსმენენ.

პირველი შეხვედრა 12:00 საათზე „ნაციონალური მოძრაობის“ ფრაქციის ფორმატში გაიმართება, რომელსაც მთავრობის სრული შემადგენლობა პრემიერ-მინისტრობის კანდიდატის ხელმძღვანელობით დაესწრება.

გახარია პარლამენტში უკვე მივიდა, თუმცა ჟურნალისტების კითხვაზე, რამდენად ადეკვატური იყო მისი პრემიერ-მინისტრობის კანდიდატად დასახელება, იმ ფონზე რომ უკვე 2 თვეა მისი შს მინისტრის პოსტიდან გადაყენებას რუსთაველზე მიმდინარე საპროტესტო აქციის მონაწილეები ითხოვენ, გახარიას პასუხი არ გაუცია.