"მთავრმა არხმა" საინფორმაციო მაუწყებლობის ავტორიზაცია მიიღო

"მთავრმა არხმა" საინფორმაციო მაუწყებლობის ავტორიზაცია მიიღო - "09.09. 9 საათზე ეთერში ვართ!..."

პოლიტიკა - 15:15, 05 Sep, 2019

2642

„მთავარ არხს“ საინფორმაციო მაუწყებლობის ავტორიზაცია მიენიჭა.

ამის შესახებ არხის გენერალური დირექტორი ნიკა გვარამია ფიესბუქის გვერდზე წერს.

„ლიცენზია მოდიფიცირებულია! „მთავარ არხს“ უკვე ოფიციალურად აქვს ახალი ამბების და პოლიტიკური თოქშოუების ტრანსლირების უფლება!

9ში 9 საათზე ვიწყებთ!

მოიპოვეთ ჩვენთან ერთად თავისუფლება!“ - წერს გვარამია.

როგორც „ნიუპოსტთან“ ნოდარ მელაძემ განაცხადა, მთავარმა არხმა მიიღო საინფორმაციო მაუწყებლობის ლიცენზია და ისინი 9 სექტემბერს ეთერში გავლენ: „09.09. 9 საათზე ეთერში ვართ!“ - განაცხადა ნოდარ მელაძემ.

აღნიშნულთან დაკავშირებით განცხადებას ავრცელებს კომუნიკაციების მარეგულირებელი კომისიაც:

"5 სექტემბერს კომუნიკაციების კომისიამ შპს „მთავარ არხს“ სპეციალიზებული გასართობი მაუწყებლობის ნაცვლად საერთო მაუწყებლის ავტორიზაცია მიანიჭა. კომუნიკაციების კომისიას „მთავარმა არხმა“ მაუწყებლობის ავტორიზაციის მოდიფიცირების თხოვნით 26 აგვისტოს მიმართა. კომისიამ შეისწავლა კომპანიის მიერ წარმოდგენილი დოკუმენტაცია, რომელიც კანონის მოთხოვნებს სრულად აკმაყოფილებს და არხი უწყებრივ რეესტრში კერძო საერთო მაუწყებლად გაატარა.

არხი მაუწყებლობას საქართველოს მთელ ტერიტორიაზე 9 სექტემბრიდან დაიწყებს.შპს „მთავარი არხი“ ვალდებულია დაიცვას მაუწყებლობის შესახებ კანონი, მათ შორის კომისიის დადგენილებები, გადაწყვეტილებები და ავტორიზაციის ყველა პირობა. "- აღნიშნულია განცხადებაში.