„ვინც იცის ღარიბაშვილის წასვლის ისტორია... ის, რუსეთისთვის საიდუმლო დოკუმენტების გაცემაშია მხილებული... საეჭვოა, როგორ ითანამშრომლებენ მასთან ამერიკელები?“

პოლიტიკა - 22:53, 04 Sep, 2019

2486

გახარია - ივანიშვილის „დამოკლეს მახვილი“ და რუსეთთან კავშირში მხილებული ღარიბაშვილი - ასეთი შეფასება გააკეთა დღეს ტვ კავკასიას ეთერში ვალერი გელბახიანმა. მისი თქმით, ხელისუფლება ახალგაზრდებს „თავხედრუად რინგზე იწვევს“.

„გახარიას იმდენი ცოდვები აქვს და ისეთი „ბეგრაუნდით" შემოვიდა პოსტზე, რომ თავის თავის მტერია, ხოლო ბიძინა ივანიშვილისთვის ის „დამოკლეს მახვილია" და ეს ასეც იქნება!

უფრო მეტ საფრთხეს ღარიბაშვილის დანიშვნაში ვხედავ. საეჭვოა, როგორ ითანამშრომლებენ ამერიკელები ღარიბაშვილთან?.. ეს იქიდან გამომდინარე, ვინც იცის ღარიბაშვილის წასვლის ისტორია და ის, თუ რაში იყო ღარიბაშვილი მხილებული. ის რუსეთისთვის საიდუმლო დოკუმენტების გადაცემაშია მხილებული.

ეს ყველაფერი ძალიან დააჩქარებს მოვლენებს. ყველაფერს რომ თავი გავანებოთ, როცა იცი, რომ ახალგაზრდობა ძალიან დიდ კონსოლიდაციას აკეთებს 20 სექტემბრითვის, წინ გელის დაძაბული მოვლენები და თავხედურად რინგზე იწვევ ქვეყნის ახალგაზრდობას, ეს ძალიან დიდი საფრთხის მატარებელია და ძირგამომთხრელი ქვეყნისთვის.

ასეთი ურცხვი და ასეთი უტუხი ხელისუფლება ჯერ არ მინახავს. ასეთი თავხედი და ანტიხალხური ხელისუფლება ჯერ არ გვყოლია. პირდაპირ გიწვევენ ფრონტზე - „მოდი! სხვანაირად არ წავალ!".. და უნდა მივიდე!... რა გავაკეთო სხვა??" - განაცხადა ვალერი გელბახიანმა.