მოძრაობა „ტრიბუნას“ დამფუნძნებელი, ისნის რაიონის დამოუკიდებელი მაჟორიტარი იმ დროს იხსენებს, როცა მამუკა ბახტაძე უმრავლესობას პრემიერად წარუდგინეს.

„როდესაც ბახტაძის წარდგენა ხდებოდა, ასე გვითხრეს, ეს ყველაზე ჭკვიანია თქვენს შორისო. ახლა კი, როგორც ჩანს, ან გახარიამ გადასწრო ჭკუით , ან სხვები ჩამორჩნენ და გახარია გახდა ლიდერი.

რეალობა კი ასეთია: ეკონომიკის მინისტრობის დროს, გახრია არ გამოირჩეოდა ინიციატივებით. მის პერიოდში არც ეკონომიკური ცვლილება მომხდარა, არც - კანონის ინიცირება. შს მინისტრობის დროს კი, თავი დაგვამახსოვრა როგორც უიღბლო მინისტრმა და საკმაოდ ბევრი პრობლემა შეუქმნა ქვეყანას.

ამას გარდა, ის არაპოპულარულია დასავლეთში და უფრო ასოცირდება ჩრდილოეთთან. ეს კი ჩვენი საზოგადოების და დასავლეთის გამოწვევაა. დრო გვიჩვენებს, რამდენად გაუძლებს ამდენ გამოწვევას „ ქართული ოცნება. ისე, მთავრობასაც ეტყობა, რომ საარჩევნო მთავრობაა - ძალოვანი მინისტრების დომინაციით. ასე რომ, მათ მხარს ვერ დავუჭერ, რადგან არ მგონია, ყველაფერმა ამან რაიმე სიკეთე მოუტანოს ქვეყანას.

უფრო მეტიც, გახარიასა და წულუკიანთან კითხვები მაქვს- ბიუჯეტიდან გადახდილ თანხებთან დაკავშირებით ძალიან ბევრი ხელშეკრულებაა საიდუმლოებით მოცული და მაინტერესებს, აპირებენ თუ არა ამის გასაჯაროებას,“ - აცხადებს ჭიჭინაძე.