ბათუმის ნავსადგურს თურქული გემი „SANCAKTAR (L-403)" ეწვევა

პოლიტიკა - 17:45, 04 Sep, 2019

1211

თურქეთის რესპუბლიკის ეროვნული თავდაცვის უნივერსიტეტის სამხედრო საზღვაო სკოლის პირველი კურსის კურსანტების სანაოსნო პირობებთან შეჩვევის, პროფესიული ცოდნის ამაღლების, მისი პრაქტიკაში გამოყენების, ქვეყნის შიგნით და მის ფარგლებს გარეთ არსებულ ნავსადგურებში ვიზიტებთან დაკავშირებული ცოდნისა და გამოცდილების დაგროვებისა და წარმომადგენლობითი თვისებების განვითარების მიზნით 2019 წლის 02-21 სეტემბერს იგეგმება საზღვაო სწავლებების ჩატარება. აქედან გამომდინარე, მოეწყობა ვიზიტები თურქეთის ერეღლის, საქართველოს ბათუმის, რუმინეთის კონსტანტასა და ბულგარეთის ვარნას ნავსადგურებში.

კურსანტები საზღვაო სწავლების ფარგლებში გაივლიან მომზადებას სამეზღვაურო, საკრუიზო, ტაქტიკური მანევრების, ტექნიკური, სახანძრო და გემის დაზიანებისაგან დაცვის სფეროებში.

სასწავლო ფლოტილიის მეთაურის, პირველი რანგის კაპიტნის ეროლ ქუჩუქის მეთაურობით გემი „TCG SANCAKTAR (L-403)", 263 კურსანტთან ერთად, 2019 წლის 09-12 სექტემბერს, ეწვევა საქართველოს ბათუმის ნავსადგურს. ვიზიტის პერიოდში მოეწყობა ექსკურსიები ისტორიულ და ტურისტულ ადგილებში.

გემი „SANCAKTAR (L-403)" ბათუმის ნავსადგურში ვიზიტისას, 2019 წლის 10 სექტემბერს, 10:00 სთ-დან 17:00 სთ-მდე მიიღებს დამთვალიერებლებს.