საქართველოს პარლამენტის პირველი ვიცე სპიკერი, თამარ ჩუგოშვილი იმ საარჩევნო რეფორმაზე საუბრობს, რომელიც პარლამენტმა საშემოდგომო სესიაზე უნდა განახორციელოს.

ჩუგოშვილის აცხადებს, რომ მას უნდა ჰქონდეს იმის იმედი, რომ ოპოზიცია შეძლებს საკუთარ თავში იპოვოს ძალა და მხარი დაუჭიროს ცვლილებებს.

"საარჩევნო რეფორმა, რომელიც საშემოდგომო სესიაზე პარლამენტმა უნდა განახორციელოს შედგება ორი ნაწილისგან. ეს არის თქვენთვის კარგად ცნობილი პროპორციულსაარჩევნო სისტემაზე გადასვლა.

საკონსტიტუციო ცვლილებები, რომელიც წინ გველის და მეორე არის ეუთოს რეკომენდაციები ანუ საარჩევნო კოდექსის ცვლილებები,რომელმაც საარჩევნო გარემოს კუთხით მომავალში უნდა გააუმჯობესოს მდგომარეობა.

საკონსტიტუციო ცვლილებების მნიშვნელობას ყველა ძალიან კარგად ვაცნობიერებთ. ამ ცვლილებების შედეგი საზოგადოებაში, ჩვენს პოლიტიკაში უნდა იყოს ის, რომდასრულდეს ერთპარტიული დომინაცია, დასრულდეს ის რადიკალიზმი და დესტრუქციული პოლიტიკა, რომელსაც სამწუხაროდ, წლების განმავლობაში ადგილი აქვს ჩვენსქვეყანაში და იმედია, რომ ეს ცვლილებები იქნება ძალიან მნიშვნელოვანი გარდატეხის შემომტანი პოლიტიკურ ველზე და უფრო მეტად შექმნის თანამშრომლობის სივრცეს,ნაცვლად იმისა რაც ჩვენ გვაქვს დღეს და სესიის დასაწყისშიც ვიხილეთ.

ყველამ ძალიან კარგად ვიცით, რომ „ქართული ოცნება" მარტო ამ ცვლილებებს ვერ მიიღებს. ამისთვის აუცილებელია ოპოზიციის მხარდაჭერა და ოპოზიციის ხმები მარტივიმიზეზის გამო. იმის გამო, რომ ჩვენ საკონსტიტუციო უმრავლესობა აღარ გვაქვს და შესაბამისად, ამ უმნიშვნელოვანესი, რევოლუციური ცვლილების მიღებას სჭირდებათანამშრომლობა სხვადსხვა პოლიტიკურ ძალებს შორის, უმრავლესობასა და უმრავლესობის გარეთ მყოფ პოლიტიკურ ძალებს შორის და მე მინდა მქონდეს იმედი, რომოპოზიცია შეძლებს საკუთარ თავში იპოვოს ძალა, რომ მხარი დაუჭიროს ცვლილებებს, რომელსაც თავად ითხოვდა, თუმცა მათი ზოგიერთი ნაბიჯი იმედის მიმცემინამდვილად არ არის, მაგრამ მაინც მინდა სურვილი გამოვხატო, რომ ეს ძალ საკუთარ თავსი იპოვონ და ამ მნიშვნელოვან რეფორმას დაუჭირონ მხარი.

რაც შეეხება ეუთოს რეკომენდაციებს, ჩვენ წლის დასაწყისში საზოგადოებას მივეცით პირობა, რომ წლის ბოლომდე მნიშვნელოვანი ცვლილებები შევიდოდა საარჩევნოკოდექსში, ამით ჩვენ გავითვალისწინებდით რეკომენდაციების დიდ ნაწილს, რომელიც მივიღეთ საერთაშორისო დამკვირვებლების მხრიდან და შესაბამისად, ეს ცვლილებებიმომავალი წლისთვის იქნებოდა საფუძველი და გარანტი თანასწორი, სამართლიანი, გამჭვირვალე და ღია საარჩევნო პროცესის, რომელიც ჩვენი მოქალაქეებისთვის არის ძალიანმნიშვნელოვანი.

ეს სამუშაო ჯგუფი და ამ თემაზე მუშაობა თვეების განმავლობაში მიმდინარეობს საქართველოს პარლამენტის თავმჯდომარის ხელმძღვანელობით. ყველამნიშვნელოვანი აქტორი ჩართულია - პოლიტიკური პარტიები, არასამთავრობო ორგანიზაციები, საერთაშორისო ორგანიზაციები და აქაც მინდა მქონდეს იმედი, რომ ყველაეცდება, განსაკუთრებით პოლიტიკური ძალები, რომ კონსტრუქციულად და შედეგზე ორიენტირებული მიდგომით ჩაერთონ ამ პროცესში და შესაბამისად, სამომავლოგანხილვებიც მსგავს რეჟიმში წარიმართოს საქართველოს პარლამენტში.

ეს ორი რეფორმა, როგორც ჩვენ თავიდანვე ვთქვით საშემოდგომო სესიაზე უნდა განხორციელდეს, ვინაიდან 2020 წელი საარჩევნო წელია და ამ დროისთვის ჩვენსამართლებრივი ბაზა უნდა გვქონდეს სრულიად მოწესრიგებული და ძალიან დიდ იმედს გამოვთქვამ, რომ პარლამენტი ერთობლივი ძალებით შეძლებს ამ მიმართულებით,სწორი, სრულფასოვანი ნაბიჯების გადადგმას და ჩვენი მოქალაქეებისთვის თავისუფალი არჩევანის სამართლიან, სწორ, მშვიდ გარემოში გამოხატვის შესაძლებლობას" - განაცხადა ჩუგოშვილმა.