2020-ის პროპორციული არჩევნები - პარლამენტი საკონსტიტუციო ცვლილებებს მიმდინარე სესიის ფარგლებში განიხილავს

პოლიტიკა - 09:27, 03 Sep, 2019

864

საშემოდგომო სესიის ფარგლებში, დღეს საკანონმდებლო ორგანო საკონსტიტუციო ცვლილებების განხილვას აპირებს, რომლითაც 2020 წელს არჩევნები პროპორციული სისტემით უნდა ჩატარდეს.
დადგენილების პროექტით განსაზღვრულია კომისიის შემადგენლობა და აღნიშნულია, რომ საყოველთაო-სახალხო განხილვის საორგანიზაციო კომისია 13 წევრისგან შედგება.ჯერჯერობით საბოლოოდ არ არის შეთანხმებული, ვინ შევა კომისიაში და რამდენი ადგილი ექნება საპარლამენტო და არასაპარლამეტო ოპოზიციას.

„ჩვენ მივიღეთ დემოკრატიული გადაწყვეტილება, როდესაც დემოკრატიული არჩევნების თარიღი გვსურს, რომ 2020 წელს განვსაზღვროთ. იცით, რომ ეს გადაწყვეტილება საკონსტიტუციო რეფორმის დროს იყო მიღებული, როდესაც საქართველო გადავიდოდა საკონსტიტუციო არჩევნებზე. ჩვენ მზად ვართ, გავხსნათ პოლიტიკური სისტემა, საზოგადოებას უფრო დემოკრატიული, უფრო თანასწორი საარჩევნო მოდელი შევთავაზოთ. სწორედ ამისათვის მოვახდინეთ საკონსტიტუციო ცვლილების ინიცირება. რაც შეეხება ოპოზიციის ალტერნატიულ ინიციატივას, განსხვავება მხოლოდ იმაშია, რომ ოპოზიციის ნაწილი ითხოვს ბლოკების დატოვებას, მაგრამ ამაზე გვაქვს პასუხი, ვთავაზობთ პოლიტიკურ სპექტრს და საზოგადოებას, არამხოლოდ პროპორციულ სისტემას არჩევნებისთვის, არამედ ვთავაზობთ პროპორციულ არჩევნებს ბუნებრივი, ნულოვანი ბარიერით, რაც პრაქტიკულად ყველა პოლიტიკურ პარტიას, მცირე და ახალ პარტიებს, ასევე ტრადიციულ პარტიებს აძლევს შესაძლებლობას და რეალურ შანსებს, რომ საპარლამენტო პარტია მიიღონ არჩევნების გზით. შესაბამისად, პოლიტიკურ პარტიებს არ დასჭირდებათ ბლოკებში გაერთიანება, რათა საკუთარი რეალური მხარდაჭერა ასახონ საპარლამენტო მანდატებში“, – განაცხადა საქართველოს პარლამენტის თავმჯდომარემ, არჩილ თალაკვაძემ.