გადამდგარ პრემიერ-მინისტრთან, მამუკა ბახტაძესთან დღეს დაგეგმილ შეხვედრას, რომელსაც 8 ტელეკომპანიის თოქ-შოუს წამყვანი ესწრება, ტელეკომპანია “კავკასია” არ მიიწვიეს.

მთავრობის პრესსამსახურში აცხადებენ, რომ მხოლოდ ეროვნული მაუწყებლები მიიწვიეს. თავის მხრივ “კავკასიის” მფლობელი ნინო ჯანგირაშვილი Facebook-ზე წერს, რომ კავკასია ეროვნული მაუწყებელია და ამას კომუკაციების მარეგულირებელი კომისიის მიერ გაცემული ავტორიზაციის დოკუმენტი ადასტურებს:

“მეტ კვალიფიკაციას არც მოველოდი მთავრობისგან და მათი პიარისგან, მაგრამ მაინც რომ იცოდეთ: კავკასია არის ეროვნული ტელემაუწყებელი საქართველოს კანონმდებლობის და კომუნიკაციების კომისიის მიერ გაცემული დოკუმენტის მიხედვით. ახლა თქვენ სად აგიხსნათ, რომ ეროვნული ტელემაუწყებელი ერთ კონკრეტულ მულტიპლექსში ჩართვას არ ნიშნავს და ციფრულ საუკუნეში საქართველო შესაძლოა რამდენიმე მულტიპლექსით, თანამგზავრით და სხვადასხვა საშუალებებით დაფარო. ისე თუ გეპატარავებით თვალში ან უბრალოდ არ მოგწონვართ პირდაპირ თქვით, ან რამე სხვა მიზეზი მოიფიქრეთ სამომავლოდ”- წევს ჯანგირაშვილი.

აღსანიშნავია, რომ ყოფილი პრემიერისთვს კითხვის დასმის საშუალება არ მიეცათ ონლაინ მედიის წარმომადგენლებს.