„60-ს ვამბობდი, 230-ს გადააჭარბა საწარმების დაფინანსებამ, მათ რიცხვში 55-ზე ავიდა ახალი საწარმოები", - განაცხადა საქართველოს პრემიერმინისტრმა ბიძინა ივანიშვილმა „მოამბესთან“ ექსკლუზიურ ინტერვიუში.

პრემიერმინისტრი აცხადებს, რომ „ნაციონალური მოძრაობა“ ისევ სიცრუეზე დაფუძნებულ რიტორიკას აგრძელებს:

„ნაციონალური მოძრაობის“ წევრებს არ უნდათ, რომ რომ გაიგონ და გაიგონონ. ეს საოცარი ხალხია, უბრალოდ, ვერაფრით ვერ გაიგეს, რომ ეს სიცრუე საქართველოში აღარ მუშაობს და დაჟინებით აგრძელებენ სიცრუეზე დაფუძნებას. 

საწარმოებს თუ შევხედავთ, როდესაც მე ვამბობდი 60 ახალი საწარმოს დაფუძებას, მე ვამბობდი, რომ მათ ექნებათ შეღავათიანი, ხანგრძლივი კრედიტები, 0–დან 3 პროცენტამდე. კრედიტიც აღარ ჰქვია ამას უკვე, ისე ვაფინანსებთ, გრანტის სახე მიიღო, რომ დაინტერესება იყოს", – განაცხადა პრემიერმინისტრმა.